neutrogena 都有 水潤的 bb cream

記得 bb cream 初抵 hk 時，我都有買返枝用
但係果時我嫌佢唔夠潤，好焗身，所以每次都溝埋 水份精華 黎用
有d 煩，而且仲幾白，唔夠自然，又有白汗
都幾得人驚！
到依家都未用完.....

直到今年，已經有好多大牌子都出 bb cream 連 neutrogena 都有啦！

neutrogena 細白燠煥采 bb 霜 uv

$149.9/ 30ml

防曬保護
具 SPF 19 及 PA+++ 防曬功效，有效隔絕紫外線及環境污染的傷害，預防曬黑及曬傷，延緩肌膚老化

清爽透薄
質地清爽透薄，輕輕一抹，便能為肌膚帶來負擔自然的裸妝

盒上說明，今次 NEUTROGENA 的 BB cream 來自 korea
的確來自 bb cream 的發源地，令我對今次的 product 加分！

每天早上，清潔、調理之後，取少量均勻塗抹於臉部及頸部

記得連頸都要搽埋，唔好兩段色喎！

以泵裝形式包裝，衛生又容易控制份量
缺點就係睇唔到用剩幾多囉~

盒上有 有效日期 ，寫明保質期期限
要確保於期限內使用完呀！

半泵既份量有左上角圖片咁多~ 相信唔夠全面用
我已經面細，要這個份量的兩倍，一泵才可以~
不過建議由小開始搽，搽得多會起擦子膠碎，especially @ 髮線位置，仲會變白
果日真係幾尷尬......

推開既伸延力都幾高！而且幾水潤，好好推，而且好易做到薄薄的一層
推開左，要等10-15秒 比佢吸收，依段時間唔好再搓面，或者於上面再搽什麼
因為好容易會出擦膠碎呀！

左下方的圖片，表示只會吸起數粒發泡膠，其實都總算清爽
但仍然有滋潤的效果

對於我，這個外油內乾的肌膚性質，這個 bb cream 都幾適合
用左幾日，都未有谷出 粒粒，而且唔會出乾紋（係我依幾星期都唔夠訓，眼底乾紋特別多）
鼻位、人中位、下巴位都有滋潤幼滑的效果

建議頭一層以薄薄的搽上全面，之後再於重點補上
於眼底、鼻邊位置 宜用印的手法上 Cream

至於遮暇度﹕要兩泵至三泵份量才做到，對於印是有少少效的，對於粗大毛孔都有效的，但對於斑呢？就一般了~
其實最好就係均勻膚色，雖然色質唔算好白，都最好加返少少 blush，面色會較好！

兩張相都是只搽上單邊面的 bb cream
可是右面的用了 flash，反白的一邊顯而易見！

neutrogena 這個對於簡單日常裸妝是 okay 好方便的，又或者對皮膚一般沒有大問題的 sis 都是 okay 的！

大家要記得，雖然佢唔叫做粉底，但都要好似粉底一樣要落妝 ga！
如果有搽埋頸，更加要落妝去到頸喎！

而且價錢只係百多元，做到咁多效果，今個夏天！靠 neutrogena 就可以靚靚啦！