澳門餐廳

位於 sau kei wan 既澳門餐廳，都算係幾難搵下
因為佢處於美食大道 -- 東大街 的街尾，而且舖位幾細間
唔係好覺眼，隨時行行下會 miss 左！

男友有次睇報紙介紹，特登剪低左
今次就我放工，佢又未夠鐘返工之時候去食~ 時間大約 六點幾

好在我地既時間尚早
眼見裡面舖位細細，廚房面積佔左一半
客人既坐位大約只有 3-4張枱
迫迫地都可以有 10個座位

餐牌好簡單
只有一張雙面印刷既 B4 卡紙

雖說這個是 午市套餐
但時限是 11:00 - 21:30，我地下午 1800 都係食依個餐！

廚房就係咁大啫~
要預時間鬆 d 先至好黎，因為得一個廚師，真係要慢慢等....等.....等.......

我地點左一個咖哩牛肉手抓餅！
個咖哩味道好香~ 唔會太 hot 但當然會有少少 chili 味啦！
牛腩炆得好軟，所以咖哩都好入味
當中仲有牛筋，係我的最愛呀！好 lum 而且都係好入味！

當中仲有薯仔，其實餸飯都可以飽肚，而且好香口

不過今次我地想試佢個手抓餅
小小一個手抓餅好香牛油味，真係好似印度既薄餅
不過實在太細塊，比我一個女仔都唔夠食呀！

要 encore 加多一個！
好鬆化~~ 當然用手食先至夠風味啦！

然後要左一個 「福建大蝦面」
原來跟 喇沙 係同一個湯底，只係配料唔同啫~

福建 的面底係油面
湯底有好香既 椰汁加上 大蝦味道，鮮甜冇味精！
料都好夠多！我男友一個大胃王 都勉強夠食既~

不過湯底真係好好！喜歡海鮮既你係必食！
係我既推介