唉....一把長頭髮，開始長得麻煩...
先係洗完頭要一段時間先乾，用風筒吹又怕嘈到屋企人
有時用上 焗油，一把頭髮更加難乾！
而且頭髮長左，髮尾好易開议
又或者唔夠順滑
依個時候，我得到一系列既懶人護髮 product
用完一排，係時候介紹比大家啦！
官方介紹
超微奈米乳化分子，快速滲透入受損頭髮部位。全面修補所有髮絲縫隙，徹底改善毛燥髮質。
用途
補給養份，修護頭髮
使用方法
洗髮後，以毛巾輕輕拭乾水份，取適量（約10元硬幣大小）在手心，以髮梢或嚴重受損部位為中心，均勻塗於頭髮上。
建議睡前使用，效果會更佳
質地就好似一盒 gel 咁，不過有清新既香味
唔怪得可以 蓋過煙味等其他怪味
我會於睡前用佢，先搓髮尾，然後先搓上頭頂
點解要睡前用呢？原來佢要等一段時間先吸收到，以我到胸口長度的頭髮
大約要半小時才可以吸收晒！
而我擔心的事尚沒有發生.......
用左依個髮乳，第二天頭髮唔會痴 lup lup，更唔會因而更 dirty
用左髮乳，真係把頭髮順滑左，毛燥感減少左！
比風吹起都吸引d 啦~~~ 仲有一陣陣清新既香氣！
----------------------------------------------------------------------------------------------------------
另一樣要介紹既係
修護凝露（上圖）
其實佢跟盒凍蜜既用法差不多，都係洗完頭，等頭髮半乾時用
不過佢既質地會薄少少~
吸收力都快少少~
我建議於吹頭次前用
吹完頭髮更加直，而且柔順
效果都 keep 到一日 ga！
-----------------------------------------------------------------------------------------------------
最後仲有依個用噴的成員「瞬間柔順髮淚」
可以於出門口前 或 感到頭髮乾澀時用
距離 5-10cm 噴出！
放左係公司，當我放工前
把頭髮放下來，就會用佢噴一噴
快速之間令髮絲回復順滑，去街街可以靚靚啦！
------------------------------------------------------------------------------------------------------
如果你都好似我一樣咁懶
懶得去焗油、懶得做 hair mask ，不妨選一枝，幫你的髮絲回復柔軟亮澤啦！
沒有留言:
發佈留言