美容院 級 補濕牌子--La Splendeur

睇下佢地兩枝係咪好似樣呢....

好明顯，右手面果枝係抄 lancome genifique 既包裝啦

抄還抄，個用法都抄埋

按上面粒制一下，就可以泵出適當份量

不過 lancome 個 泵當然順d 好按一d

不過右手面果枝係補濕精華，同我之前 share 過既 美容院補濕精華差不多（回顧用後感）

（我仲有d 懷疑係咪一樣，只不過換左包裝）

 

美容院係我堂家姐一直去開的一間，聽講在 jordan

我都未去過，唔知好唔好（唔係想 sell 間 salon，更唔係想 sell 依枝 serum，純分享記錄一下）

不過我用過佢枝 補濕精華，又真係幾好用

聽講又係叫「千杯水」，一聽就知係好補濕

Diamond Hydrating Effective Serum
亮鑽保濕高效精華素

                                                            
成份
光果甘草、神經

功效
 - 特配成份，提供很強締合水份子能力，形成網狀結構，維持皮膚水份，深層鎖水
- 增加皮膚抵抗敏感能力，抗炎及舒緩，杜絕因環境，化妝品及天氣變化引致的皮膚問題，回復柔軟潤澤
- 抑制黑色素，褐斑，抗氧活性很強的皮膚脫色，淡化色斑功能
- 增加皮膚脂質，光滑細緻，增強皮膚彈性，延緩衰老，減退幼紋及乾紋

質地

我覺得有d 似 b5 咁補濕，但係再稀一d

無色無味

於皮膚上好快就吸收得晒，之後上粉好貼面，亦唔會有膠碎

 其實全條 line仲有 面霜 & mask 

不如都分享記錄埋啦！

一盒 有10塊 paper mask
每包都有幾多 serum ga，敷緊時塊mask 都有d 滴水
而包裝說明敷 20min，但我敷到 30min 都仲未乾，下巴都仲有滴水既現象
試過一連敷幾日，皮膚的確係好水潤，有光澤，洗完面唔搽野都 okay\

而 paper mask 既質地都好貼面，好薄身
屬於高檔次既質地
（聽堂家姐講，平均每片都要 $2x ，有咁既質地都叫抵啦）

而個 面霜呢，因為仲未開封，我等下一次自跟大家分享 law~

孕婦 都用得既 nail polish

身體懷有多個小生命，做每樣事都要為「他」著想
一向夏天都會為 10隻腳趾頭添上色彩，才穿上涼鞋、拖鞋等等上街去

今年唔用得 nail polish，心有不甘！

四出尋覓 孕婦都用得的 nail polish
發現原來都有好多選擇

首先找到 pigggy paint （網店介紹）
原來這個牌子是大人小朋友都可以用的無毒無害 polish
通常在兒童部有售，價錢都好相宜，大約 $6x 就有一枝

可惜顏色都比較「小朋友」揀唔落

最後買左佢既 polish remover，樽上說明無害 並有修護功能
相比起其他牌子既 polish remover 價錢相宜，$98/ 120ml

 

可惜發現佢好難先至卸到即油

每片化妝棉要沾滿 remover 先可以卸到 1 隻甲，太費時

加上依家 彎腰都有難度的我，實在太考驗耐性............

因為當時覺得 piggy paint 既顏色唔岩心水，同樣在一田買左以下既 nail polish

佢有好多隻顏色選擇

聽說係美國知名牌子，

官方介紹（台灣官網 link）

專業身體手足保養品牌-SPARITUAL，來自美國加州比佛利山莊的頂級專業身體手足保養品牌，SPARITUAL相信，真正的美麗是來自於健康的身、心、靈，全系列身體手足保養產品絕不添加人工染料，堅持使用不含農藥與人工肥料的天然植物有機萃取精華做為產品原料。此外，指甲油和指甲保養品更不含致癌物質DBP，讓消費者在擁有美麗的同時，也能兼顧健康。

平均 $15x 多d 一枝，當天我最想搵比較易襯既顏色

近年除左 nude 色仲喜歡 灰色，平實大方又易襯

另外的一盒是限量 box set，一枝 pink一枝幻彩，可以單用又可以混起來用

一set 都係 $3xx，價錢 okay 啦！

話左冇 dbp，但塗起來都有d 嗅味，惟有快快塗啦.....

另外，一次經過  tst 一間美甲店

又多口問下，咩牌子合 孕婦使用？原來有多個牌子都 okay

debora lippmann （官網 link）

又係另一個風行  hollywood 既品牌，joyce 都有得賣，可想而知幾有信譽

價錢大約 $120 一枝，好似比起 sparitual 平少少

顏色亦都有好多得揀，今次揀左枝 shocking orange，好適合 summer 用

另外買左兩枝，一枝 base一枝 top，搽甲油少不了！

整體而言，個人覺得 debora lippmann 好用過 sparitual 

兩隻都係健康甲油，快乾，滑身，出色，兩層已經好夠

但個人覺得 debora 再滑身d 

而耐用程度大家都 keep 到起碼個幾星期

期間冇特別苛護，去游水都冇問題！

而最後，我都搵到好用又健康既 polish remover

就係依枝 karma naturals organic remover （官網 link）

佢含 vitamin e，卸甲油之餘都可以令甲邊健康

係 oil 既質地，一滴已經可以卸晒 10隻甲油，而且無色無味

用得好安心

（佢有d 有lavender、tea tree oil 既味揀，但我都係鍾情冇味好d）

ba 姐姐介紹，因為佢係 oil 所以唔會乾掉，慢慢卸都唔會乾

雖然要成 $3xx 一枝，但咁大枝，一滴已經夠既情形下，我覺得好抵用wor！

基本上佢冇 expiry date，所以用幾耐都得！

joyce 有得賣，好多甲油 shop 都有得賣，但我見過 tst 既 shop 賣就最平 $250（shop link）

如果你見到邊度有再平d，記得報料我知！

肚紋gel/ 油 + nuk腳部舒緩gel 分享

孕期三個月開始，已經不停用去紋啫喱/ 油 搽於大腿、肚皮 及胸部位置

因為初時肚皮好痕，所以都搽得幾密

每天搽 3-4 次，一個月就可以 ko 一枝啦

 用過既有以下幾款﹕

Mustela 防紋膏

係朋友比既（咁貴既膏，真係買唔落手）

質地偏厚，要用d 力按摩先吸收得到

但最難頂係陣味，唔識形容，總之我唔鐘意

後尾嗅慣左又 okay，以我記憶好似 2m 之內就用晒一枝，果一刻開心到呢....

 官方介紹

Mustela防紋膏，專為孕婦配製，有助預防和減少新出的妊娠紋，蘊含專利的天然來源成份組合：

• 蘊含專利的抵抗妊娠紋成份，能促進製造支撐皮膚的纖維，用後皮膚更柔軟、更富有彈性，更能抵抗妊娠紋的形成。
• 有助促進細胞代謝和皮膚再生，蘊含槐樹和微量元素複合物。
• 提供即時及持久舒緩和滋潤，蘊含牛油果縮氨酸及具滋潤作用的乳木果。

主要的天然活性成份：

• 彈性調節素®，羽扇豆醇及阿拉伯半乳聚糖：提高皮膚彈性和柔軟度。
• 槐樹及微量元素：促進細胞再生。
• 乳木果：滋潤。
• 牛油果縮氨酸：舒緩皮膚，減少皮膚過敏反應。

0％phthalate（塑化劑）、paraben（防腐劑）、phenoxyethanol（防腐劑）、chlorphenesin（防腐劑）。

melvita 玫瑰果油 & 牛油果油（回顧分享文）

最初係 for 搽面既，但開封左 3個月要用晒，天氣又開始潮濕，所以用左落個肚度 

冇咩特別，係 玫瑰果油比起 牛油果油 更潤啦

但都係容易吸收既

用落 body 度 消耗得特別快，大約個幾月就用晒一枝 lu

醫學用 olive oil 

老公在公司拎返黎既，其實就等於平日藥房賣果d，價錢由 $2x - $50 不等

真係好抵用！

其實 olive oil 可以搽好多地方都，whole body、面頸、hair

冇咩味道，但係佢質地比較 rich ，可能適合乾性皮膚 or 冬天用至好

椰子油

我買左 初榨果隻 organic 既椰子油

最初打算製作 organic 食得既 止汗劑（簡單又 work，下次分享下）

但剩返咁大樽，不如搽埋 body

好香既椰子味，搽到個身 甜蜜蜜（用左先知原來老公唔 like this smell）

但佢比起 olive oil 更加薄，更容易吸收 

聽講用佢搽面有好好既去紋效果，我搽完個 body 會將手上剩低既搽上面，毛孔好似真係細d

可能我皮膚實在太缺油啦,,,,,,,

芥子油

購於「點點綠 」，organic 野只係 2xx 兩枝，真係抵呀！

寫明可以用於 body、面、頭髮等等，可以修復傷口、美白等作用

我放於公司，肚痕時搽，放工時又用一滴全面按，令皮膚冇咁乾

係幾好 wor！

而早前去 nuk 既講座，都拎左枝 gel 返黎試下

  NUK 妊娠紋按摩凝膠 Stretch Marks Gel

with sea minerals & centella asiatica

 官方介紹
爽的凝膠內特別加入海洋礦物質和具有加速細胞再生能力的積雪草提取物。 該產品能促進膠原纖維的生物合成，讓皮膚更加緊致和更有光澤。產品富含甘油成份，保持皮膚柔軟滋潤。質地清爽不油膩，更容易滲透入皮膚。

透明啫喱狀
比起油當然 light 一d，易吸收一d
而且搽上去會有涼涼既感覺，現時天氣咁熱，個肚亦已經可以製造能量既時候
真係好鬼熱

不過因為佢係 jelly，又吸收得咁快
我唔知佢既保濕程度有幾強，唔敢單獨用佢
只係會 每天早上搽一次，晚上 keep 返用油

味道都唔重，孕婦嗅到唔會怕想嘔

另外仲有一枝
for legs 既

NUK 清涼腿足按摩霜

踏入 7m 之後，bb 開始大個，雙腿 & 腰所承受既重量愈來愈大晚上我都抽過幾次筋
坊間據聞「抽聞因攝取 calcium 不足」，我問過醫生 + 上我的專業知識 就唔係啦
只不過係平日小腿既壓力太大
到晚上既時候就會多抽筋

--> 所以建議臨訓前做下拉筋、按摩、敷小腿 --> 增加血液循環

 





依枝 小腿按摩啫喱，用落有少許 mint 之感
最初覺得幾舒服，但只係最最果下，搽開左就冇晒 feel
而且效果唔持續

對我而言 --> 搽左 = 冇搽！
拉下筋仲好....
不過係一個 excuse 請老公按摩小腿 hehehe...都好既~~

so far 今天 bb 36week
個肚都冇明顯既爆紋
相信係勤力搽油既關係，因為之前好痕，所以養成左個好習慣
朝早搽、放工換衫時搽、晚上沖涼後搽，每天至少搽 3 次！
而且我相信 油係 rich 過用 gel/ cream

大家要深信，貴 唔一定係好，平平地既 olive/ coconut oil 都可以有好效果！

大肚之後終於買鞋啦！

由 5-6 個月開始，個肚大到縛唔到鞋帶

有好多鞋都著唔到，因為會好「倫盡」

又要注意鞋底有冇蝕，有又唔著得，真係有好多都要收埋

以我咁鐘意買買買既性格，點會唔買鞋呢...

好多款都唔買得，又怕買左對腳會腫/ 大左，著得果幾個月

真係忍得我好辛苦呀！

到左7個月左右

發現身邊既大肚朋友都開始腳腫，而我仲未腫

hehehe.....應該都唔會腫/ 大得太多 gua~~

決定可以去買鞋！

豬b 開始大，著平底鞋 開始會有腳底痛

正想買對波鞋，但又怕要縛鞋帶

當初睇最合心水既就係 reebok pump fury / puma

試過 puma 個款有d 肥，pump fury 又太貴

有一天經過 連卡佛 遇上 toms "buy 2 get 2nd half price"

即管放隻腳入去一試

出奇地覺得舒服

諗得好辛苦，究竟買邊對好（$600 for one）

近日summer 興草底鞋，又與銀色鞋

左手面對 銀色草底就最 good fit

另外一對，決定買對黑色，一白一黑最好襯！

（又一次過買 2對同款唔同色既鞋，差d 比老公鬧）

（對上一次係 mbt，決定唔到底下，買晒黑 & 白）
$900 2對鞋都唔貴呀~~

有綱綱好通風，又唔會露腳趾，慳返唔油腳甲油都可以！

summer 著涼鞋有d 危險，著對有鞋尾既就唔會甩鞋啦

最初怕為佢個底咁薄，會著得唔舒服

但原來個水松底又 okay wor，中間腳弓位有唔同質地既

可以分散壓力

但係我體重輕就可以，可能遇上體重 重既人就唔夠承托 ga la

一向好少著鞋著到蝕底既我，著左幾次，已經有損耗既跡象

反映依對鞋都唔適宜 體重重既朋友著，以唔好諗住佢好耐穿

睇返個盒，原來買對 toms 都係做緊慈善

又一個買鞋既 excuse~~~

依家我天天都著 toms 啦，唔係白就係黑！

2015 5月清一清+碎碎唸

豬b就快 35week 啦！時間過得真係快！

bb 用品已經準備得7788 ，不過同媽咪好似仲未有共識

到時媽咪湊，佢就想佢用方法，但個仔係我既，係咪應該我有份呢？

希望到時大家相處順利啦

1. olive oil

老公在公司拎返黎搽肚用，真係好厚好厚既油，搽完按完都仲未吸收晒

但真係好滋潤，(TOUCH WOOD) 依家都仲未有紋

2. shu uemura fresh pore clarifying gentle cleansing oil（回顧用後感）

好 light 既cleansing oil，每次用少少已經可以，雖然貴，但都可以用到2個多月

為起黎唔算太貴，不過我於 loreal sale 買平d 就okay，正價買就貴啦！

3. Vichy thermal refreshing toner

一向都喜歡 vichy thermal 既系列，好light 好快補水，深入皮膚之中

依個天氣用左佢都好舒服

4. BonalStretch Mark Prevention Cream (sample size)

醫生比既 sample，比較厚身既 cream，要d 時間先吸收到，而且感覺上冇油咁滋潤

我都係喜歡用返油多d 

5. Melvita Masque peeling 2-in-1 mask（回顧用後感）

ba 姐姐見我有左，比我試既美白mask

集美白 & peeling 於一身

不過個人唔睇到美白既效果，peeling 既效果都一般

6. Thann Aromatic Wood Body Lotion

之前去旅行得返黎既 lotion ，用黎做handcream，滋潤度都一般

好快又要再搽！

7. Clarisonic A貨 sensitive 洗面刷

a 貨真係 a 貨，安裝同拆落黎都有d 唔順

不過價錢差 3-4倍，你會點揀？

8. Clinique long last glosswear SPF15

之前去 blogger gathering 送既，文左咁耐，應該唔用得啦

9. Clinique Chuppy lip stick

都係之前 blogger gathering 送既，不過依枝我有用

好自然既顏色，而且有滋潤感，唔使再用潤唇膏都 okay

不過近來有左，唔會再用有色既唇膏lu

10. Loreal sheer papaya lipstick

都係有滋潤度既 有色 LIPSTICK

佢價錢比 clinique 平，質素有得比！

11. 雪花秀 基本組合 sample size（回顧試用文）

質地比較滋潤既護膚品，膚質乾或天氣乾用才好

12. Petitfee Black Pearl & Gold Hydrogel Eye Patch（回顧分享文）

用左= 冇用

我覺得係雷品！

13. 專科保濕化妝水（清爽）（回顧分享文）

雖然屬清爽但都好潤下，價錢抵用！

14. 專科保濕乳液（回顧分享文）

好潤既乳液，我估冬天都夠潤！

15. lancome multiple lift eye duo （回顧用後感）

雖然係 LANCOME，但效果都唔特出，用完成樽都看不出效果來

條眼紋都仲係度....

16. base formula aloe vera hydrating gel （回顧用後感）

成份天然又平既 Skincare

用完可以再試！