幾款 低敏感度 潔面產品

先前 FACIAL 姐姐話皮膚兩頰有點因乾而引起的皮膚敏感

懷疑是洗面產品太乾引致（當時使用專科洗顏 CLAENSING FOAM，好乾咩）

自此家中 skincare 增加了補濕的比重

而用完 專科洗顏 CLAENSING FOAM 之後，都開始試用一些低敏度的潔面產品

首先是這個連醫生都推薦的 cetaphil 潔膚露

其實這個不一定是潔顏，全身都適用

$95 473ml 用於facial cleanser 計就好抵，但用於body cleanser 計就好貴

抵定貴，就在乎你點樣使用啦

最近的一個packing 仲送有一枝細細的 moisturizer，又再抵d ！！

其實佢係 gel cleanser，一d 泡都唔起得到 （even 用起泡網 or 機都唔得）

而洗完的確係好補濕，應該說是沒有洗走肌膚本身的水份

但潔淨較果好似近乎沒有

老公都幾唔喜歡用，都係覺得「洗完好似冇洗過」

而因為這幾天，手術後面部腫脹，只用這個用手清潔

過了兩天，根本就「唔上粉」

鼻邊下巴前額有好多粉刺，相信係因為 cetaphil 既清楚能力好低.......

所以去左 搵平價又低敏度的 olay cleansing milk 

這個是 cream cleanser with exfoliate

亦都不會起泡，而且裡面有好多好微小的磨砂

可以重點於角質層厚的 地方再洗多一陣

我比較喜歡這個，清潔得到之餘，洗完仲好似有層 cream 包住肌膚咁

係有滋潤感的 cleanser 

老公用開好爽身既 cleanser，竟然覺得 olay 洗得唔夠乾淨，有一層野在面

價錢更加開心，$25 有咁大枝，我好喜歡佢！

但以上的 cleanser 都未能起泡，不可以配合 我最愛的 clarisonic 潔顏

從家中囤貨之中，找到了以下這個 cleanser sample

Vichy PURETE THERMALE 澄淨潔膚系列 澄淨乳霜潔面泡

吱出少少 洗面膏就可以搓出唔少泡，而對皮膚眼睛都未有不良反應

用完之後，皮膚繼續維持有濕潤之感

好適宜用於洗面機中使用

以上幾款都是我家最近使用的 CLEANSER

 以上產品乃真金白銀自購物品，純粹個人感受

成日都斷貨既--- KIEHL'S 白泥

我皮膚天生角質層偏厚，須要勤力的去角質及清潔，才能夠吸收得營養好

所以我好講究清潔 steps & mask

以往都試過幾款 deep clean mask

心感最好的都說是 ipsa 的clay mask 

而 kiehl's 的白泥都一直有好評，而且成日都斷貨

知道有貨都立即買返屋企囤一囤貨先

用完base formula 果個就開 kiehl's 用啦！

打開個 jar 都算幾大 jar 

以下的是我用完兩次的份量，其實用左唔係好多就已經足夠

官方介紹

毛孔深層清潔面膜適合中性至油性肌膚使用，有助清除污垢及積聚於肌膚表面的死皮，以暢通毛孔，令肌膚回復亮麗、細緻。

算做濕潤度高的泥

好輕易就可以放於肌膚之上，厚度大約是見不到毛孔

左圖是15min 前，右圖是後

敷左15min 都未算好乾，仍可以用微濕的紗巾輕易抹走

   

oh ~ 忘記易 pre-post 相 tim
用完皮膚有點冰涼，比起 base formula 的更涼
而毛孔都有乾淨得到，白頭未有全部起出來，但仍可以輕輕按出
泛紅的地方得以安寧，毛孔收細

效果持續到有2-3 天

初步 幾喜歡 這個clay mask $265/ 142G，可以比起 ipsa 的
但價錢好似.....平少少...（已經唔知道 IPSA 加到幾多）

要再觀察，待「每月清一清」的時候有深入的分享

資料來自KIEHL'S 官網
http://www.kiehls.com.hk/skin-care/792


以上產品乃真金白銀自購物品，純粹個人感受

首試 base formula 自製面膜

因為聽過 「黑咪」試用分享，介紹這個網購外國品牌 Base Formula 的 Skincare

skincare 普遍都算水潤，個人認為教溫和

未必適合「輕熟女」肌膚

惟這個清潔補濕面膜，可以一試

材料是 ﹕ Aloe Vera Hydrating Gel, Orange Flower Water & Ruew Fine French Clay

Base Formula 官方網頁都有VIDEO 教面膜的調和方法

http://www.youtube.com/watch?v=TSb5iidozBU

首先放適當份量的 clay 於容器內，再逐少逐少的放aloe vera gel 於clay 內調和

最後成為左下圖的糊狀，就成形

應該大部份 sis 都懂得這個技巧

官網建議 用壓縮paper mask 沾上足夠的 orange flower water 

敷於面上保護 clay mask，又可以增加保濕作用

10min 後，paper mask 半乾形態就可以抹走clay mask

clay mask 其實好快就乾左，用半濕既paper mask 都抹唔晒

要用紗巾再抹多幾次先可以徹底清潔

左上圖是mask 後的肌膚

每次用完，肌膚都有好涼快既感覺，而降紅的能力都好高

可是滋潤性一般，only 有補水功效

而且持續到1-2 日

適合年輕肌膚，夏天使用

到左冬天，對於滋潤性能力，我都較喜歡用gel/ cream mask

base formula 官網﹕

http://www.baseformula.hk/

以上產品乃真金白銀自購物品，純粹個人感受

閒來無事敗家去--- SKINCARE 篇

個面仲腫緊，出街見人仲要戴住個 MASK

不過個人已經精神好多，在家幾耐都不能呆一天

今天下午家裡無食水，更加要出出街~~~

已經有幾個 shop & 幾隻skincare 想試，今次就要親身到赴店舖

去了解一下，我應該用邊隻先好

首先吸引左我好耐既有.....

she goes to seoul 

http://www.shegoestoseoul.com/

「안녕하세요 韓國連線She goes to Seoul網店是一位香港女生和韓國男生, 情侶檔一起經營專售韓國化妝品, 護膚品和生活用品的網店.

Oppa在韓是一間韓貨生活用品網店的老闆，所以我們售賣的貨品都是從廠商直接取貨，親愛的客人們在香港也可以享有韓國人也找不到的貨品至扺價。

我們的貨品100%韓國製造와 韓國直送。保證= 最快/品質/正韓貨。

這裡挑選的美容貨品都是在韓國最受歡迎美容節目“get it beauty"的每週推介和blind text 中勝出的產品，以及韓妹選出的大發產品。행복하세요 ^_____^」

他們的店有好多廉價又有效果的skincare

但有幾隻都已經 out of order

終於揀左以下兩隻試試先~

Dr. Myer's Skin Save Moisture soothing cream 強效保濕面霜  ($290)

Ramosu Bifida 100serum ($159)

一隻強勁保濕水份面霜，一隻係抗老精華

仲送上一片SCINIC black dual mask

------------------------------------------------------------------------------

順路一訪 kc mall 觀塘這家的旗艦店

http://www.kckorea.com.hk/

實在好大間，品牌都好齊全，除skincare 仲有衫褲鞋襪手袋飾物

價錢都 合理

不過每個客戶都有個 ba 姐姐「照住」，想靜靜地自己睇都唔得.....

最後入左會，有95%，同買左 secret key 既 starting treatment essence 就走啦~

$108 一枝，的確比外面平，只因這期做緊 promotion

想試既朋友快D 去買枝啦！聽講係 韓國平版 SKII

------------------------------------------------------------------------------------------------

行過駱駝漆大廈，上去望一望，又跌錢

www.beautynet.com.hk

冇左枝 「粉刺刷」買返枝 black head clear （it's skin $98）

有溶解油脂精華，又有silicon head，希望冇咁快玩完啦~~

另外既一盒 eye gel mask ($88)，雖然 logon 都有得賣，不過依度仲平d 

而且個姐姐話﹕ 用完個mask 仲可以用熱水溶解d 啫喱，搽於手肘膝蓋位置

咁神奇又真係想試試！

--------------------------------------------------------------------------------------

最後去左 本土平價護膚品牌 彩豐行

之前用過 卸妝油、toner 、補濕精華都幾好

今次想試下佢既 concentrate 原液 ，一盒14枝，夠用大約一個月

試下 補濕精華 & 收毛孔精華 ($99 each)，用完再跟大家分享

近來家用的補濕 cleanser 都唔起泡，唔可以用 clarisonic 洗面，所以聽 ba姐姐介紹

試用這個 透明質酸保濕潔面 

另外，$25/2枝 香茅香薰防蚊身體噴霧，打算一枝放車用，一枝去行山時用

最後，買多少少可以有禮物 & 平多 $10

所以買多個 LIP MASK ($13)，冬天放於床頭搽咀用！

一如既往，彩豐行 都會送好多好多既 sample 

有 2 塊 mask，又有shampoo & conditioner，又有焗油精華，每次去旅行都靠佢！

平價補濕SERUM -- 彩豐行 + neogence

今次會一連分享兩枝補濕 serum，一枝極平一枝幾平

因為每天在老人院舍返工

見到大多老人家，雖然年老，但有些老人因為心境開朗，思想簡單

面色都好紅潤，皺紋都不算多

我都打算「返璞歸真」，試試一d 成份簡單，價錢合理的護膚品

希望以健康的生活，均勻的飲食，開朗的心境

去達至「不怕老，只要老得好看就可以了」

之前到 彩豐行 買卸妝油，手多多見到有 眼部補濕精華 $79  有一大枝 100ml

忍唔住買黎玩下 

背面寫上成份有
海洋骨膠原，維生素原B5，透明質酸，尿囊素
睇落得 10樣以下既簡單成份，好似好原液！

一泵既份量有咁多
gel like watery serum，質地都幾挺身
一泵足夠一雙眼底，兩汞夠全面用，三泵可以用埋頸項

好易推開，而且皮膚都好容易快速吸收
講明可以用於眼周
我就連面頸都用埋
100 ml 認真抵用！

用左個多星期，用上面是極速吸收，於眼底更可以更快吸收
而用完除了有卜高度滲透之外，還感覺到有一層鎖水層在表面，少許黏稠感
但無阻之後再用的精華 或面霜
更未有推出擦膠碎的問題出現

而前額的乾紋與暗粒，好像有點subside
要再用多幾星期，才可以下定論

第二枝價錢較貴的是這個.....

Neogence 玻尿酸保濕精華

之前在TAIWAN 買的 set 裝，有面膜跟serum 一起買，才一百多元
所以都算是平價補濕serum

質地好水，放於手心之上

還未趕及拍攝，已經流下來

雖然水質，無色無味，但用於肌膚之上

未有「彩豐行」的快滲透度

須要一段時間的按摩，仲被皮膚吸收得到

而且，吸收完之後，就好像沒有用一樣

皮膚繼續乾，已經用完一瓶 30ml 了

前額的乾紋加深了，而且暗粒更多，好明顯是補濕度不足夠

還說是台灣補濕專家~~ 還是我的皮膚實在太乾？

以上產品乃真金白銀自購物品，純粹個人感受

夏天清爽返工妝容

香港既夏天真係熱....仲好濕...

好容易就出汗、溶妝

我已經抵唔住，一定要穿 背心短褲先出得街

除左 dressing，就連個 粉底都覺得有d 焗

開始抵唔住有 foundation cover 住皮膚果個感覺

好在....比我在家中找到佢！

  

bare mineral 爌物 foundation，當時係買 starter kit 入手既

個 kit 仲有個 primer，不過用埋 所餘冇幾既 smash box primer 先

 

喜歡自然既面色，當時揀左隻 light

用法好簡單，有d 似碎粉，不過要用掃上

個 case 有個開合位，先開少少洞口（prefer 開 1-2個 ）

倒出須要份量既 礦物粉 於個蓋度

再用專用掃，於 case 蓋打圈沾粉 ，再拍出多餘的粉

就可以掃上面

重覆以上動作，可以做多幾層既礦物粉，增加遮暇感

不過大家要小心，我試過上多過 3 層粉

 會有卡粉既情況，特別於 皮膚乾、有暗紋 的位置

如果 要個粉底更加貼服，建議用手輕按於皮膚上

用手上既溫暖去melt 化個粉

大家要注意，這個 mineral foundation 只屬於低遮暇度

要遮黑眼圈、色斑等等問題就要用定點遮暇

不過對於毛孔就遮得好好，仲要愈出油出汗，個妝愈keep 得好！

夏天我愛用橙tone blush，這個於數年前入手的 smash box contour 

有齊 bronzer & high light，仲有橙tone + 閃粉

輕易做出自然 contour 妝感

之後再用 bobbi brown 這個 brow pencil，outline 返眉形

這個好用在好 soft，輕易上色，而且有點重感，可以黏住眉粉，令它更防溶

因為我眉毛天生稀疏，又冇眉尾（好可憐呵....）

除了用眉筆，仲要用眉粉幫忙填補空隙

這盒是 kate 眉粉，已經用第二盒

可惜枝眉筆實在太差勁，還是另外用筆填上才好

天生面油多，返工又要換衫，試過多次一換完衫就冇左條眉尾

又或是變得兩邊不一樣，都幾尷尬

在sasa 找到這枝 browlash，可以用作定妝之用

liquid 既質地，放上已經定形的眉毛上
可以定色又可以定形
顏色乖乖的跟住我一整天！ 

今星期入院做小手術，出院時仲可以帶住「完整」的眉形離開
的確好多謝 眉gel ！

上星期在canmake 都見過這個 類似的 product，都只不過是 $5x
大家可以去看看

因為返工要戴 mask，而因為整潔問題，同事都好少會化妝，一般用以上妝容就可以出門口

如遇上大時大節，我在outline 多條簡單的eyeliner，才出門

偶然化多少少，同事才會有發現！
我的護膚心得就是「化妝愈少愈好」

而 bare mineral 的妝品已經用左幾個月，皮膚的確有好表現

以上產品乃真金白銀自購物品，純粹個人感受

林三順掃爛左？！

數星期之前，入手左一枝 「林三順-- 粉刺刷」

幾天用一次，粉刺的確係少左

剛起既暗瘡都可以輕易 k.o. （用後感請按此）

值得一讚！但是.............

有一次洗完面，看一看枝刷頭﹕

中間 最出的一段軟毛 縮左入去！

再睇真d，原來蟆間果段，唔單止可以伸返出黎
仲可以成段 抽出黎！

咁咪即係 爛左！？
$390 既 洗面刷 居然用一季都唔夠就爛？
「手做的確唔同d」

落左去 店面 投訴
仲話冇理由會咁樣爛
一般都係個筆筒位置有鬆脫 問題
或者 脫毛問題等等...

原來 「林三順」既掃有咁多問題？
我既信心即刻冇左...

小手術前，留港敗家

今個星期要入院做小手術，已經排左幾年終於有得做

希望事事順利！！！

剛好星期六收到個朋友既 discount page

可以入 東薈城 既 Polo Ralph Lauren 買野再有 6折

第 2 日冇咩節目，就自己一個走左入去行街街

另外，當然唔少得掃埋其他店舖，睇下仲有咩 優惠啦！

老公一向都有著開 polo

今次當然要買件比佢先得啦！而我呢~

原來 s size 已經唔岩著，有d 鬆（點解我之前都係著 s size 呢？）

要去睇 童裝，l size 就岩岩好啦

價錢其實唔平好多，折埋可能平多幾十蚊，不過款式就少左好多 law....

買左 3 件，折埋都只不過是 $10xx ，真係好抵 wor ！

另外其到其他 shop 都做緊 二折 discount，實在太抵

不過得我自己一個，面對太多「自由行」我既購買力都大減

（沿途見到 anteprimer 有 7折，買兩件仲有多個 9折，真係好抵呀....）

入左去 dkny，都係 2折，見到依對鞋，個樣真係唔多靚

但係著落好舒服，雖然有d 高度，但真係唔覺而且好舒服

睇下幾時有機會著先~

$395 已經好抵，原來係 $989 既 2折，即係 $1xx ，咁就 very 抵！

                                     

返屋企之前要買枝 兒童軟毛 牙刷 作入院準備
經過見到 olay 既面霜，記得 「消費者委員會」測試過既面霜，olay 係最保濕抗皺既
就一試無妨！

點知 藥房賣 $56，manning 竟然特價 $4x ，watson's 冇特價 $5x
原來咁平都要格下價

之後要到 manning 買左近期 好評的 雞蛋洗面皂

近來特價 $62 （原價 $8x）

近來我都想轉用簡單成份的護膚品，睇下係咪一樣可以令皮膚充滿水份

同院舍中的老人家一樣，常存喜樂 就可以有充滿能量的生命及肌膚！

首試 森田製藥 面膜

名就聽左好耐，聲稱台灣補水好物，但一直都未有機會試一試

上次在台灣 WATSON'S 買野送左盒

即管試試

一盒5 片

玻尿酸複合原液面膜

含 分子酊、海洋膠原、絲瓜、甘草 & 海藻

屬於大面形的一款
而紙質都幾薄，所以仲有張膠托底
（聽講有朋友媽咪誤以為有敷完一次又敷多次，再用張膠再放上面，Hehe....）
紙質好柔軟，好輕鬆就可以包得到全面皮膚

敷完全面，都包得幾均勻，連一般敷唔到既鼻邊都照顧得到
精華都好多，未至於滴水，而皮膚好似飲緊水咁

20min 之後面膜都仲未乾
仲可以乖乖咁緊貼皮膚，可以再敷多10min

今次我用足 30min，都好okay

用完仲可以輕輕按摩埋d 精華入皮膚
皮膚即時水噹噹，好柔軟，涼快左
仲白淨左
但乾紋未至於淡化

補水既效果keep 到1-2 日，可能係我皮膚太乾既問題
only 補水都補充唔到

<<以上內容純粹私人感受，未有任何商業活動的參與>>