唔該走油呀~

上星期我去左 origin 為新產品推出既 workshop
讓我學識到 油性皮膚既護理方法 （回顧）

其實當天我地仲有即時做個小測試，皮膚究竟有幾油
就係用依個小盒啦~

入面有好多張 "sebum/ oil indicator"
只要拎一張於皮膚上輕按 10秒，就有"面油紙" 效果
再於盒面既圖案比對返~ 就知道自己皮膚"有幾油"

我的測試結果﹕ 當天下午七點多
t-zone﹕very oily    
cheek﹕oily

原來依系列產品十分適合我~~ （都適合你嗎？）
油性肌膚的解畫，已於上一篇介紹當天 workshop 既 blog 度提及，今篇不多說
只會專注於產品既介紹

首先係 Zero Oil™淨肌控油深層潔面啫喱

成份
含淨肌成份鋸棕櫚
清涼的薄荷
細緻毛孔的水楊酸

價錢
150ml – HK$170

用法
有少少特別，所以我特登講
平時我地會於手上起泡先上面，但用依個 cleanser 前會先濕面
再將適量啫喱放於面上，我會點5 點﹕前額、鼻頭、兩邊面頰、下巴
再用手濕多少少水，放上面輕按，就會見到少少泡
好似下面圖咁，因為成份天然，冇加起泡劑，佢只會起到好少既泡

用完之後
真係清爽同輕左好多，配合埋佢既薄荷味道，早上用令我更精神抖擻
清爽得來又唔會有好乾好緊既感覺，係依個 cleanser 值得一讚既地方
有時我好喜歡依個感覺，特登等多幾分鐘先去下個 steps

Zero Oil™淨肌控油活膚水

成份
含淨肌成份鋸棕櫚
清涼的薄荷
細緻毛孔的水楊酸

價錢
150ml – HK$170

用化妝綿倒兩下抹全面，即時睇到綿上有黃黃啡啡的 dirty
可以做到 double cleansing 既功效
個人不建議用黎做 toner mask，怕佢會太乾
但係佢既成份有效加強控油效果

Zero Oil™淨肌控油保濕乳液(不含油份配方)

成份
含淨肌成份鋸棕櫚
清涼的薄荷
細緻毛孔的水楊酸

價錢
150ml – HK$170

咪睇佢質地有 d cream，其實佢好易推開，而且吸收得好快
推開好水水
搽左唔會覺得好 heavy 但又感到有一層 layer 保護住咁
皮膚即時有鎮靜到

用左一個星期啦！
我覺得好好喎~~ 因為用左佢，我既皮膚真係冇咁多出油，係放工先開始出少少油啫
相對上皮膚鎮靜左，毛孔冇咁大，係我喜歡既地方
建議早上用，夜晚可能會唔夠滋潤，所以我依家晚上開冷氣都冇用 origin
因為試過一次，已經覺得唔夠，放棄左
如果成 set 只揀一枝，我會建議 cleanser & 乳液，因為依兩枝我一搽個感覺已經好好
而且百幾蚊一枝，做到成日都唔出油，真係超值！

仲有！
一向前額長滿暗粒既我，用左 origin zero oil 一日，竟然平滑左
真係驚喜呀！

感謝 BEAUTY EXCHANGE X ORIGIN

-------------------------------------------------------------------------------------------------------------------------------------

同埋加映更多關於 origin zero oil 既資料~

Dr. Lieve DeClercq專訪
透過專訪 Origins 全球植物生理學及份子生物學發言人Dr. Lieve DeClercq，讓你更了解Origins Zero Oil™淨肌控油系列的天然控油力量。

問：油性肌膚的成因是什麼?
答：首先，我們要理解皮膚的結構和運作。肌膚的皮脂腺負責分泌油份(油脂)，而某些因素則會引致皮脂腺分泌過盛。遺傳、荷爾蒙轉變、飲食習慣、健康狀況，或過度接觸導致肌膚敏感的致敏源，例如陽光或刺激性潔面產品等，都可能刺激皮脂腺分泌過多的油份，引致肌膚泛油。另外，溫暖、潮濕的氣候亦會使肌膚容易泛油。

問：油性肌膚是可預防的嗎?
答：不少人會不斷吸走肌膚表面的油份，或頻密潔面清除油份，但這樣只會抽走肌膚表面的保護性油脂，反而刺激皮膚分泌更多油份。要由根本控制油性肌膚，應選擇能控制肌膚油份分泌的產品，給予肌膚平衡且性質溫和的護膚程序，避免所有刺激皮膚的原素，可有效調理油性肌膚。

問：ZeroOil™淨肌控油系列如何幫助抑制過量的油脂分泌?
答：Origins發現了鋸棕櫚──一種高效的天然控油成份。幾世紀前，人們經已懂得以其細小的果實作藥用及消炎用途；於美容上，鋸棕櫚經證實能幫助調節皮脂分泌，結合海藻更可有效控油。我們亦利用水楊酸去除肌膚表面的老舊角質，從而收細及暢通毛孔。此外，甘草精華及伏苓精華能幫助鎮靜及紓緩肌膚。

問：使用多久才可看見肌膚明顯減少油光?
答：使用後，肌膚會即時變得有光澤。連續使用四星期，臨床驗證更證實肌膚油脂分泌減少，毛孔回復細緻。

問：怎樣判斷自己的肌膚屬於油性?
答：油性肌膚於下午會開始分泌大量油脂，毛孔較粗大，容易引起黑頭和暗瘡。Origins的專櫃特別提供「油脂顯示紙」及結果參考卡，讓你測試自己的肌膚是屬於哪一類型。此外，亦可以利用吸油紙作測試，如果屬於油性肌膚，吸油紙會黏附於臉上，並迅速吸收油脂而變為透明，泛油情況一目瞭然。

你知道嗎？
鋸棕櫚
鋸棕櫚是源自美國東南部像鋸齒狀的植物，呈扇狀向外生長。幾世紀前，美國佛羅里達州印地安人已利用其細小果實作藥用及消炎用途，塞米諾族印第安人則收割果實以治療疾病包括發炎。時至今日，科學家不斷深入研究及探討鋸棕櫚果實萃取的治療功效，而近期的研究更證實此成份擁有抑制油脂分泌的護膚功效。