生日買 boots

其實入冬開始已經四處搵短boot
目標﹕
粗豪形、黑色、著得舒服、真皮、容易襯衫（裙、褲、legging）、最好特別少少唔好咁易撞款
我搵左好多地方啦！

十一月既時候終於比我搵到~~
不過當時度度都賣緊 五百幾蚊既時候
佢特價左都要 六百幾

十二月
因為忙住考試、搵聖誕禮物，冇左件事

一月
要找聖誕卡數，冇心機洗錢
唯有每次行過都試下、望下
心郁郁左好多次，都忍左手 好怕會比人買晒.....

二月
終於以"生日大放肆"既籍口，對鞋竟然未賣晒
仲要冇 "再"減價，點解最後一對都唔再平d 呢？

我好叻呀今次！
未試過等一對鞋，成日見住但係唔買，忍左三個月啦！

主角出場！

其實係好簡單的一對，但有冇覺得好熟口面？
睇埋鞋底先

原來佢係抄 dr. martens 既款
鞋形、鞋邊、鞋底都抄埋
不過佢輕 dr. martens 好多，而且平少少


上面係新鞋
下面係 dr. martens 鞋

好開心！我試過落雨著都唔會入水，更加唔會甩色
對袆依然純白色
咁夏天都可以著啦
希望依對鞋年年都配襯到啦！