生日長洲食、玩、影（1）

上生日去左香港離島玩~
我地去到首先 check in 左 b&b 先！
依度係香港少有既特色渡假屋，有乾淨新潮的裝修
又有即用即棄的日常用品（當然唔包護膚品）

拆完禮物就出左去食晚飯（多謝男朋友！）

依間係印度人開既印度菜，好有風味
裡面暗暗地，真係好似去左印度咁~~（不過我地仲係睇 "畢打"）

推介以印度黃飯送咖哩
因為佢乾乾地，配濕濕地咖哩好！
第二天補返張相！

之後去左 "師妹甜品" 食生日dessert！
有我最愛 "焦糖x旦"
期間見 nearby 有女朋友為男朋友訂製了"生日火焰旦糕"，好有氣氛呀！

第二日，食完b&b 早餐就去左繼續食！

b&b 既早餐都幾好味呀！
米粉煮得夠淋，豬肉腸配太陽旦，好！讚！

早餐之後竟然係甜品？
依度既mango 好靚呀！"三色芒果腸粉配芒果汁"

裡面有大大舊 mango 呀！！
仲有大大粒 "mango 糯米滋"

睇下姐姐包既時候，有成 1/4 個 mango 放入去呀！
真係好好味呀！！ sweet sweet 呢~~

好鐘意食炸野既佢！
一串"甘永泰" 雜丸、一串炸魚肉釀豆腐干
仲要去"時來食坊"食一串大魚旦、一串雞腎 （好好味！）
再返轉頭食多串"甘永泰" 魚旦、再加多一串冬菇丸
嘩.......
串串都好味

5月搶山包一定唔會到長洲既我地
趁依個時候試一試先~~
原來個飽都幾大個
裡面係豆沙料

兩日就係咁食食影影.....
聽日仲會有 part 2，係第二日晚上既 all you can eat！
睇到流晒口水呀...