施比受更為有福-- the ztyle 捐血日-1

記得我們剛剛在一起時，承諾過要一起去捐血！
一起去做善事，而且可以定期"換血"，又可以藉此知道自己健康狀況（血紅素）
知道 the ztyle 有捐血節目，第一時間參加左！
好開心可以成為其中一個，當然拉埋男朋友一起，實行我們的承諾

一行十幾人，去到全港最大的 旺角捐血站
原來只有我帶埋男友來.....
填表、見護士、驗血液健康（以往我曾為"食得清d"而偏食，有一段時間都過不了這一關）
仲有 the ztyle 抽獎遊戲
冇抽獎運的我得了 x 是不出奇
驚喜地，男友都有抽獎機會，而且抽到一份 bb cream

bb cream 係貨 size 黎呀！
等我快d用完家中的粉底....bb cream 開佢用先！

每位捐血人士都有一個"捐得是福水晶座"做紀念~
2月1日至21日去捐血都有 ga
http://www5.ha.org.hk/rcbts/template?series=61&article=828

 

hehe....我請護士哥哥同我照呀！
你睇我幾勇敢~唔使止痛針呀！不過佢地話我血管幼幼，捐得唔夠快
個機成日響
護士又過黎叫我 "加油！比多d力，就得啦！" 男友在側仲以為生緊仔，笑死佢！ 

之後去休息飲野時仲有笑位........
1.
天氣咁凍，我兩都點了杯熱"薑蜜"，但太熱又太hot，我實在飲不下
只好請姐姐為我沖多一杯 "美綠"
姐姐話﹕都叫你飲美綠啦（你又講過咩......）你地個個都貪新鮮要試薑蜜，係啦，而家知道啦！唔好飲ga，依度既 美綠同橙汁都係皇牌，夏天就係橙汁，不過你地d人就係鐘意新野，之後又要後悔.........
我﹕唔好意思......

就係咁，就比個姐姐鬧左一輪

2.
一個點了奶茶，穿白色褲的哥哥倒潟了
一地一褲都係，尷尬不己
姐姐又係鬧﹕比左你你就快快飲完佢ma，係咪衰呢.....搞到倒瀉晒....哎呀....周圍都係......（下刪一千字）
總之個姐姐抹幾耐就鬧幾耐，我地都不知幾驚.....

我估我地下次唔會黎依個 centre 啦....