好味唔怕貴！太興

太興係個繼翠華、釗記之後的名牌茶餐廳，你去過未？
近來的我轉左新工，公司附近有間太與

聽同事講佢既餐好好味，不過比較貴
建議早餐 / 下午餐時間，就食到高質素又平少少既餐

今次男友接我放工，未食晚飯，就趁機食個豐富的 TEA~
太興一共有兩版既 tea set
亦有一個係常餐，全日都食得！

其實價錢又唔係真係好貴
只係比一般茶餐廳貴幾蚊

不過睇落好似幾 okay 吸引！

男友點左依個常餐﹕
H35﹕星洲喇沙海鮮湯米線 $44
連一個老火湯/ 餐飲

賣相真係好okay，好香椰子汁味
亦好足料，真係有大大隻蝦、蟹柳、仲有大大塊魚柳
每隻都有幾件
真材實料
仲有好多芽菜，大大碗真係連個大食仔都夠食！

我地冇叫茶飲（因為我兩個餐），叫左個湯

今天係.......唔記得左係湯
不過應該冇味精，我地飲得好開心
而且食完依餐冇口渴，好滋潤！

之後就係我個餐啦！
係我同事最推薦的食品~~~

雪菜肉絲米 + 炒旦 + 厚多士

依個雪菜肉絲米好大碗，而且用既係新竹米粉，煮到好入味
而個雪菜料都係自己炒過，個肉絲睇得出係先炒好先混在一起！

而個炒旦好滑，油唔多

而個多士，烘底唔使加錢，冇邊，有厚度

 

個奶茶都好香滑
我只要加半包糖都已經好夠

如果要凍飲就要加 $3 ，不過係冰鎮奶茶，原汁原味好味道！

自此之後，我早餐都成日去太興啦！
不過我依個茶餐，tea time 要 $40，但係早餐只係 $24 咋！
係咪仲抵呢~~

只要加多幾蚊，就可以食個咁高質素既早餐
又夠飽，又熱騰騰，仲有好好既招呼
is a good start！