好耐都冇講下食野啦！
其實都係我懶.....而且有好多依家用緊既skincare 未寫
寫啦....寫啦.....會一晚之內寫幾篇啦.....
不過依一篇我又一定要快少少寫
因為依餐其實係 christmas eve，我倆的聖誕大餐！
事由大家都唔想因為聖誕節食得貴！係貴得無謂
而且又好怕去迫
所以去左一個，大家一定唔會諗到的地方！
「渣華道街市大排擋」
幾年前已經有親戚請我地食過
記憶中係好特別，幾好味的貴價大排擋
男友喜歡吃小炒，我地即管冇睇價錢，想食咩就叫咩！
首先來一客「手打墨魚丸面」
面係以墨汁來炒，食到我地既咀都黑晒
而面質幾有咬口，喜歡軟身面既朋友可能唔岩啦！
而墨魚丸丸身好彈牙
食得出係以人手打出，又好有鮮味！值得推介！
不過一碟面，丸就夠多，面就幾少
一個女仔就夠食，男仔應該唔夠，一班人分就更煩惱！
第二客係男友至愛！
「砵仔焗魚腸」
已經唔係度度有得食，依度既炙魚腸好乾淨
唔會有嗅味，而且有加入果皮，新鮮熱騰騰好香
食到最尾都仲有煙出！一讚！
我倆最愛的蔬菜！
「炒芥蘭」
夠鑊氣，炒得好入味
加左酒？我估有，炒得特別香！
因為當晚有駕車，冇飲酒
只係加左一、兩碗飯
今餐認真抵食！
不過老闆為人豪爽，愛熱鬧
開住大喇叭播 hip hop music，我倆就嫌佢有點嘈
而老闆就興奮得大跳 hip hop，以他一身廚師裝跳起舞來有點搞笑！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
吃什麼都不重要，最重要是有你在身邊！
沒有留言:
發佈留言