平平地可以增長毛毛~~

我係一個唔多毛既人
講緊既係我面上既毛，係眉毛，特別係眉尾~
睇相佬話我冇咩兄弟姊妹運﹕講得岩，唔係冇，只不過唔可以靠佢

至從學化妝之後，我一直好介意自己對眉
原來係好煩，連畫都唔易畫

一對眉唔單只冇咩毛，仲好鴛鴦
高低，一長一短
連化妝師都唔係個個修得好

大概兩年前，我知道有 base 可以增長眼睫毛
靈機一動我就試下用落眼眉度

記得最初用係 zino，當時係風行一時既 product
大概用左兩枝
眼睫毛係有長到，眉毛都有少少
我開始四處找尋又平又可以增長既 base

終於比我搵到佢！

依個牌子係出左好多 護甲油 & top coat
仲有 mascara 之類的用品
我只在卓悅見過

係可以試下問d sales 姐姐，不過佢地多數都唔知有依隻 product
你可以去賣 mascara base 果類地方搵

價錢大概係 $68 一d 都唔貴

我當佢係 skincare 咁，早晚搽完面就拎黎搓幾下眉 & 眼睫毛位

裡面係 膏狀，主要用枝刷黎拎個 「base」
所以其實用唔晒裡面既份量，而冬天更加容易 「solidize」

不過我想講，我斷斷續續用左 4-5 枝
每枝用幾個月

以往我出街一定會畫眉，用眉粉又好眉筆都有
落水（游水）就會冇左對眉

但近來，我發現自己有返眉毛
畫 & 唔畫都冇咩分別

當然，我自己有勤力修眉修雜毛啦
依家佢地已經 balance 返，有返個形啦！

我有時懶d 唔畫都唔會咁嚇人啦！

所以~ 我每年都會用幾枝
用落眉毛度，又可以 strengthen 眼睫毛，幾好 ga！