冇味精既外賣

返工我通常會帶 lunch box，貪健康得來又可以慳時間
食完仲可以有時間 睡個午覺 ~~

但，前一日夜返、媽媽冇準備 lunch box 就要食杯面/ 出街食啦....
街外餐最怕就係油膩、味精、無營養.....

原來~作風前衛的 "鴻福堂" 新出送餐服務
前幾天，得到 theztyle 的眷戀，我跟兩位同事可以預先試食
1. 自家蒸飯   2. 自家湯  3. 甜品

我們三人各自點了 不同款式的飯、湯跟甜品，試盡鴻福堂 各樣食品
我地各人都對自己既食品提出左少少既意見同評語，真係好多謝大家
邊食邊寫評語~~ 大家都好有心思發表，希望 鴻福堂 方面可以做得更完善

背景
我跟同事總共 3 人，都從事醫療行業，大家都講究 "食得健康"
許可下都盡量每天帶住家飯，勤力飲住家湯水以保健康
大家都明白，"健康就是寶"

我地大家都會就自己既飯、湯作小小既評語，唔怕長氣就碌落去睇啦！

鮑魚雞粥
粥味偏淡，但好綿
雞肉入味但質地略"鞋"（肉質老？）
鮑魚質地夠 淋

香芋蝦米滑雞蒸燕麥飯
其實燕麥飯既成份唔多，係面頭果d，如果可以多d 就好了
個雞真係好滑，但係一般雞味，都唔要求得太多了
不過我喜歡佢個飯既質地，軟硬度適中，而且乾身
整個飯菜都唔算多油，洗膠碗時就知道了~

蠔油草菇牛肉甘荀飯
粒粒米飯，好正！其他快餐吃不到如此水準
冬瓜入味，黃牙菜有菜味，生熟度適中
牛肉 ok
整體少油，幾健康

杏仁金銀腿豬肺湯（有湯料）
幾好飲，有好強既豬肺味（有幾舊大大塊豬肺呀~ 一睇就知足料！）
<< 知道豬肺係須要好多心機洗乾淨，見到咁大塊又咁乾淨，知道工作人員好有心機清洗
係屋企，媽媽好少煲豬肺，因為實在太花心機 + 時間啦>>
但未有杏仁味
飲得出冇味精

花膠海底椰川貝百合煲西施骨湯（冇湯料）
第一啖已經好鐘意，因為我喜歡潤肺既湯，可惜冇湯料....
好香，但只有少許花膠味
飲完唔會渴，認真冇味精

花膠響螺煲竹絲雞湯（冇湯料）
夠濃，有所標明材料之味道，夠大碗，好飲！

杏汁木瓜雪耳糖水
有大大舊木瓜，又有好多雪耳，唔會太甜
好味！

手磨杏仁旦茶
好滑，真係有好多旦白於裡面，好香又好味！

桑寄生紅棗蓮子旦茶
真係有成粒旦於入面，正！好潤好好味~

包裝評語
喜歡裝飯菜用可以循環再用的膠兜，我地全部洗乾淨，下次再用 ga（公司都間中會開大食會）

而裝湯既杯，都幾高身，大家都對 "以杯飲湯" 既感覺 mama
一來感覺唔到用碗飲既"家庭感"，二來個杯太深好難食到杯底的湯料

另外，見到湯袋後面寫著，要把湯倒進微乎其微爐盒才放入微波爐
是湯袋不可以進微波爐嗎？
如果"是"，建議於包裝袋的前方，大大隻字提醒顧客"不可以把湯袋放進微波爐" 以保安全

整體來說
我都覺得好抵食，好味又健康！
如果佢真係送到我公司，我都會訂（可惜我公司唔屬於送貨範圍，相信今次試食係例外）
如果餐入面加有 蔬菜 會更加好，出街食飯通常都冇 vegetables，食住家飯我都係主要食菜

唔好意思
因為工作關係，當天未能跟同事一同吃飯
惟有一齊於放工前影返張食糖水相，大家又趕收工
希望大家收貨啦.....

好多工廠、寫字樓都可以送到 ga
而且佢地 既自家飯 + 自家湯都只係 $33 起，好抵食，出街食都唔止
可以慳返時間，唔使熱騰騰仲出街同人爭位搵食，而且又健康，去邊度搵？

8月份仲有特別優惠
A + B + D = $38
A : 自家蒸飯
B: 各款鮮製飲品及甘露
D : 紅豆沙/ 綠豆沙/ 腐竹旦糖水

想睇多D 佢地既餐單~ 去以下既 LINK 啦！
www.hungfooktong.com/minisite_deliver

感謝 theztyle x 鴻福堂