近期少左去做 facial，又懶左 敷mask
但都堅持每星期一次為肌膚做深層清潔
其實每天早晚都分別用 2 種唔同既 serum 先至再用日/ 夜霜
所以覺得 肌膚營養 係足夠既
不過每天出入冷氣地方
空氣污染又嚴重，加上皮膚毛孔比較大
要著重清潔既一環
首先會用依個 做果酸 peeling 先
軟化表面角質層，令之後既 清潔更加深入
Phytomer Exfoliant Enzymatique
依個係透明既 gel mask
無色無味
敷面大約 5min 就可以抹走佢
用完會立即覺得毛孔乾淨左，面色有亮白既感覺
而且5 min 唔會乾
肌膚都有柔軟滑溜既感覺
之後我會用 幾年前買既 handybio
做導出 清潔
好多人將 handybio 同市面既 離子機作（ e.g. hitachi）比較
睇過好多 comparison，我都覺得 hitachi 好似更勝一籌
因為可以做到不同效果之餘
用其他牌子既精華 or lotion 都得
handybio 最唔好就係一定要用返佢自己牌子既精華
價錢亦唔平（回顧用後感）
不過機我已經買左，冇得後悔
唯有多d 用，補返數
每次用完 deep clean 精華，都有清爽感覺
唔係敷完 mask 既爽
係成個皮膚輕左 ，而棉又真係有灰黑色既 dirty 出左黎
所以令我每星期都好想導出既原因
dirty 雖然出左黎，但基本上係應該用 清水洗走面上既 dirty
但這個時候，會用 innisfree 火山泥，吸走佢！（回顧用後感）
希望裡裡外外都一并乾淨~~
其實這個火山泥功效一般，無ipsa clay mask 咁好
不過加左價，又心思思想試其他牌子
下一次會試 kiehl's 既白泥 mask ！
通常 cream/ gel/ clay mask 洗走時候都好 尷尬
因為乾左好難洗，濕既時候又一pat pat
秘密武器係........ 一塊 紗巾
濕水，揸乾到唔滴水就可以
平放於面頸上，按一下，就可以輕易抹走 mask
洗完再抹，大約 3-4 次就可以徹底洗晒！
其實 靈感來自 eve lom（回顧用後感）
佢就用 暖紗巾 來卸妝洗面，同樣好乾淨
洗完 肌膚裡裡外外都乾淨清爽
最好就係給予 營養水份既好時機
我會用多次 handybio
今次用 美白精華
唔知點解，覺得這個 美白精華既滋潤度比起 補濕精華更高！
所以當時 回購左 美白精華 only
不過一定冇清潔既時候咁灰
做完精華打底，會做返個 cream mask 補充營養水份
paper mask 都可以，不過 paper mask 會於晚上
好攰、趕時間既時候做
但唔係塊塊 paper mask 都岩面形
好多時鼻邊咀邊都 顧唔到
而 cream mask 就可以照顧到皮膚每 一吋
但就要 wash off
今次我用左 sasatine 既 eye mask
一包 3 對
一盒有 20包 $100 有找，真係抵到爛！
不過補濕程度一般
老公對眼周仲敏感 tim
所以可以大手用佢！
每次敷 眼周、前額 及 虎紋
一次過用晒一包！
另外既位置就用 平價 cream mask elizaberth arden hydrating mask
唔係特別好用，只不過之前貪平買左
要快快用完佢
補濕程度一般，keep 到 1-2 日
味道okay，質地都易推唔會乾
想加重效果，可以於 cream mask 上面再加個 toner mask
今次用左 base formula 既 rose otto water
之前搵朋友一齊入手
唔係特別好用，不過玫瑰花味的確好香
要放雪櫃保存
咁樣既敷法可以敷到 15-20min
敷完好簡單用個 toner mask 抹走 cream mask
再用紗巾抹一次面，確保冇剩餘物資就 okay！
歷時快一小時既 家用深層程序 終於完成！
可以睇膚色均勻通透健康色澤
肌膚有 彈力
毛孔乾淨收細左
特別係鼻邊 前額 t-zone 位置
而面額乾紋就少左
咁樣既程序，皮膚維持到 3-4 日
之後果幾日都冇再 敷mask，而且夜訓，返工對著電腦
都 okay！
遇上「果幾日」皮膚都仲冇大問題
因為年紀開始大
頸部肌膚都要照顧
所以以上所有既 cleansing、mask、導出、導入 等各個步驟
都要照顧埋條頸 ga！
沒有留言:
發佈留言