年宵買到平妝物！

年近歲晚，行年宵是必要的節目
昨天就在 apm 的年宵市場買到好物！

就是這些！

 $50 3 件 tony moly 妝物

其實仲有好多得揀，例如﹕blush、2way cake、假 eye lash 等
而指甲油更加係 $10 枝 tim

知道 tony moly 係 韓國品牌，但於韓國都賣得唔貴，而且質素都係一般
明白 $50/3件 只求散貨


但這兩枝 eyeliner 又幾上色，仲幾long last tim
圖中既手背試色係當天揀色既時候晝上手背既(大約 6點），到左晚上（大約11點）仲有色在手
不過用水一沖就甩
未知畫上眼上，抵唔抵得住眼油呢？

不過見佢顯色得來又幾 shimmer，近來我都開始返用 eyeliner （放假有街去時）
平平地就試下佢啦！
遲下再做分享比大家睇

而依枝 bb cream ，都係韓國製
品牌可能大家唔多識，不過我之前有幸得到一次這個品牌的 bb cream
試用左一枝，感覺上都幾好（回顧用後感）
而這一枝顏色都幾自然
買來作有色防曬都可以！

如果你行開 觀塘，都上去睇下啦！
mtr 果一層，tony moly 既攤位，聽講做到 年三十，仲有冇貨就唔知啦！

仲有好多手做既民間藝術
我又買左盒旦卷返去試啦！
食左再同大家分享啦！

元朗 手製 旦卷

我們一家都好鍾意食旦卷，係要手造既旦卷先好食！
因為其旦味夠濃、夠香
而且手造的多層層次當中，不會壓得太實
中間有鬆脆既機會
是一般妨間現成機造旦卷做不到的味道

以往為品嘗此味道，會去「德成號」購買
但居於沙田、牛頭角的我們，這地點有點遠，而且早上11點已經售罄
而訂製的話要等2-3個月先有得食，實在有點難度

 

那一天，經過元朗一條橫街窄巷，見到這個小攤檔，立即買一盒細細的回去試食
一盒紙盒裝 $25
小鐵盒 $40
大鐵盒 $60
其實都唔貴，但最重要係要岩口味



回家第二天就打開包裝試食啦！
其旦卷的確有好多好多層旦漿加起來，層次多得來好鬆脆，的確是細個食既口感
但味道有點「燶」可能就是每一層太薄，好容易過火
加起來「燶味」就有點蓋過旦香味道，有點遜色
下次....下次經過我會再試一盒，希望今次只不過是失手，下次做得好的話
會買一盒大的比爸爸媽媽一起分享！

十二月清一清 + 2013 年回顧

2013 年悲喜交雜
今年最大既PROJECT 就係為婚禮籌備
年半既籌備之中，令我倆了解不少
當中互相都給了對方好大既壓力，令性格行為都變了。
得到好多好友既幫助，最終都能夠順利結得成婚，更令兩家人開開心心！
真係好完滿！
我地會記得，婚姻是「半個+半個=一個」不可以企圖改變對方！但要配合對方！
而這更不只是兩個人的事，係兩家人的事

感謝我倆家人的包容體諒！
婚禮完成了！我又可以重新找回自己的興趣
勤力更新BLOG，努力為我的生活作紀錄及分享！
而皮膚就因為婚禮而變得穩定，終於知道要怎樣才是愛錫皮膚的方式

2014 年，又要為人生下一步而籌備
朋友常笑我﹕老是為「籌備」而生活
人生就是有目標才有動力，充實！
除了要學懂打理家務、財政、皮膚，還要養生，不要令身邊的人擔心

1. Phyris Profine Brightening total result Mask （回顧用後感）
終於用完一整枝，雖然有點貴（這是得到的試用）
但都幾耐用，而且一年四季都岩用！
夏天用不會太潤，而冬天用又不會乾
除左whitening 都有點滋潤效果
但坦白說 whitening 的效果不是很明顯

2. Avene Soothing Moisture Mask
當時轉天氣，皮膚變得又乾又薄
唔敢亂用保濕mask，唯有用最溫和的牌子及配方
其實 除左Avene 仲可以揀 Vichy, Bioderma 不過當時急急去水貨店，就只有這個有貨
幾乎每兩天敷一次，用完大半枝，皮膚已經穩定下來
到現在這個天氣，幾乎一星期敷一兩次不同功能的面膜，皮膚都有不錯的表現！
如果你都有敏感皮膚的時候，不妨試試

3.Mioggi Signature Real Complete BB cream No.23 （用後感回顧）
每天用少少，整整一年了！
效果都唔錯，唔會好死白，但有少少既遮暇度，加上少許BLUSH 就可以出街
而質地CREAM 狀，容易調較，是很好的推薦！多謝sis Ada ！
但我要用埋家中的liquid foundation、mineral foundation，相信有一段日子都唔使再入啦！
仲要一試現時非常流行的cc cream 呢！？

4.Glysomed Hand cream 無味配方（用後感回顧）
每逢冬天必備既HAND CREAM，得依枝可以幫到我滋潤乾燥既雙手
以往要靠家人由美加帶回港，依家SASA & manning 都有得賣啦！

5. EYE-LITE double cils 
一向都有用，已經係第N枝既增長睫毛精華
放得耐會乾，而唔係用晒
不過早排試左DHC 既睫毛精華，稍後再為大家分享

6. Estee Lauder Time Zone Night Anti-Wrinkle cream （用後感回顧）
貴婦牌子既產品的確係唔同D ！用上一星期就目效，真係有收緊減淡細紋既效果
不過用上一個月就冇咁有效啦，可能係「習慣性」左
依家試緊 Origin 個減紋cream，用完再跟大定再分享！

7. Biotherm Homme High Recharge Moisturizinf concentrate
之前 LOREAL 開倉，家姐買比老公用既
近來天氣乾燥，佢都有帶住係身，有唔舒服就搽一搽
我都有搽下個鼻（SNOOZE 完就要潤返下）
保濕效果好快，皮膚太乾時會有D 拿拿地既感覺
不過唔喜歡個味道，係咪 BIOTHERM 既招牌味？覺得有D 化學
味道都係我唔喜歡用BIOTHERM 既原因（縱使質地同效果都幾好）

cashmere 之行 --- uniqlo shopping

前個星期開始 感冒，今個星期正值病瘉

應該因為之前著唔夠衫，冷到...

襯大牌子減價季節，四出去找尋保暖物品

先在 沙田 uniqlo 見到 有 v 領 冷衫做特價 ！！

$199 的價錢 買到 10% cashmere + 25% wool 既冷衫

仲要有我喜愛的 pink color 同  classic 款扭紋花！

雖然 m 碼比較鬆身....但當時只此一件，就立即收入 shopping bag 直去 cashier！

m 碼都著得到

而且 sharp color 會顯現到身型，以防自己會「肥少少」

m 碼都是不錯的選擇（其實選冇可選，自我安慰.....）

回定試穿後，發現質地非常柔軟輕便

決定去「flag shop」九龍灣 - 德福二期再戰！

結果發現有一整 排這個款式的毛衣

都是 $199 ，還有不同顏色不同尺碼以供選擇

之前已經入了一件 sharp 的 pink color

唯有入多一件 沉色 s 碼

大家要小心

鮮艷顏色容易 顯「肥」，但毛衣卻是貽身才保暖

實用型的朋友 宜選「深色」貼身 碼數

才可又稱身又保暖 

乖乖 付款之後

走到 apita 樓上，發現有 cashmere 毛衣展

正當 心想 ﹕cashmere 平得黎都貴之際，見到 $599, $799 及 $299 的價錢牌

原來有d 「only one」 貨

價錢只須要 $299

還可以穿上 試一試

當天穿了件 薄薄的 t-shirt

要穿上去試，話咁易

但原來係 極暖！穿穿 拿上手，已經令我雙耳發燙

最後買左以下兩個款

一件 黑色開胸 暗花毛衣，可以做外套，可加一件擋得風的外套已經可以

另外一件 款式較土氣，是一件有小樽領的上衣。穿起上來認真暖，用作 10度以下或去旅行用都可

兩件都只不過是 $299 

今天三件毛衣的價錢，加起上來都不及買一件 cashmere 的正價！

認真超值！！！

如果你都像我一樣怕冷，不妨去 uniqlo & apita 睇睇試試

希望你都找到你的溫暖~~~

Estee Lauder 貴婦面霜

其實這個面霜已經用了個多兩個月，由天氣初秋已經開始使用，因為質地較厚身，所以選擇晚上時用。
但因為當時正值籌備婚禮的尾聲，之後又忙住「放假」& honeymoon，一直都忘記去寫用後感。 

官方資料 
This age de-fying moisturizer works overnight to help dramatically reduce the look of lines and wrinkles. Inspired by the revolutionary science of cellular regeneration, our exclusive Situin EX1 Technology helps reverse the appearance of aging for a year-younger look. 
An amino acid complex helps optimize skin;s natural, nightly replenishment of wrinkle-smoothing collagen.

質地 

幾厚身既 cream ，所以一睇就知道要入秋先好用

而用落發現要用d力去推開，而推開左之後，皮膚仲有d 滋潤既感覺

真係晚上先用得

有點香味在 cream 身

一嗅就認得出這個是「貴婦味」，相信是 estee lauder 自家的香料

對香料有敏感的朋友要小心選用啦！

用後感 
這是我首次使用 estee lauder 的面霜。坦白說，小時候都用過其皇牌Advanced night repair 精華既 sample，效果係幾好，用完皮膚好幼滑滋潤（小時候皮膚比現在更不穩定）。但當知道價錢之後就沒有再去 approach 啦 kekeke... 

今次使用的是 anti-aging 系列，鳴謝之前參加了 be x estee lauder 的 event 送出的禮物。因為質地真係幾厚，這個天氣剛剛好。要加上少許力 + 溫暖用掌心推開，作面部的按摩使用。頭幾晚使用，的確覺得皮膚有緊緻提升的感覺！好 amazing ！之後感覺就習慣了。但滋潤緊緻度仍然存在！而第二天早上，皮膚都軟滑左，效果持續一整晚！貴婦產品，果然不同！下一步，我都想入手advanced repair 面部 n 眼部精華，來配合依家「中女」的身份！

早熟女注意：顯著減淡「虎紋」嘅再生緊緻塑顏霜（From beauty exchange）

早熟女注意：顯著減淡「虎紋」嘅再生緊緻塑顏霜

步入早熟女既行列，面霜開始選擇有抗老及緊緻功能。

而冬天既天氣乾燥，亦須要高度滋潤既面霜。

近日想試下 Origins 面霜，而下面呢款面霜可以滿足我以上嘅要求！

Plantscription™悅肌再生緊緻塑顏霜 

質地方面:

算是 容易推開的 cream 狀成淡黃色，有少少自然的香味

相信是那天然成份的味道

而輕輕手就可以推開

皮膚須要一定時間的吸收，給予面部按摩的機會

之前濕度 80% 以上的天氣，搽上面後未會有黏笠的感覺

皮膚底層亦有充足的補水感。

而這幾天天氣乾燥，Lifting Cream 作日霜可以， 作晚霜也可以，十分方便呢！

為咗令抗老及緊緻效果更明顯，呢兩星期我日夜使用，

希望可以重塑輪廓線條，激活肌膚彈性 ！

日間用法

個人習慣日霜後會搽上防曬、BB cream/ foundation 等等產品...

搽上日霜後上妝也沒有問題！

好！講到這個 cream 的重點，就係緊緻肌膚 、減淡細紋啦！！！

連續用了兩星期，感覺真係唔錯，好滋潤，用完冇咁乾。

用了約兩星期後，最大發現係面頰兩旁的「虎紋」的確有所改善！

虎紋之前都比較深，用左覺得減淡左，而且前額細紋都淡左，睇落侯生埋！

緊緻方面都唔錯，面有尖左既感覺，唔會好似之前包包地。

用耐D相信仲會增強肌膚抗禦力！

仲有科學證實﹕92% 肌膚緊緻度及輪廓線條顯著提升，實在好識合我呢啲「早熟女」。

希望效果會更明顯啦！

會於幾星期後 or 用畢整瓶之後再作分享！

首試 Origin Lifting Cream 作日霜

步入早熟女既行列，面霜開始選擇有抗老功能

而冬天既天氣乾燥，須要高度滋潤既面霜。

近日收到 Origin 面霜試用

Plantscription™悅肌再生緊緻塑顏霜 

Origin Plantscription Powerful Lifting Cream

 

官方介紹

革命性緊緻提拉配方

重塑輪廓線條．激活肌膚彈性 

媲美微整形效果，打造天然『心』美人

科學證實﹕92% 肌膚緊緻度及輪廓線條顯著提升

重點發揮以下卓越功效﹕

．顯著提升及重塑輪廓線條

．顯著減淡木偶紋、虎紋

．回復年輕彈性

．增強肌膚抗禦力

 

質地
算是 容易推開的 cream 狀成淡黃色，有少少自然的香味
相信是那天然成份的味道
而輕輕手就可以推開
皮膚須要一定時間的吸收，給予面部按摩的機會

之前濕度 80% 以上的天氣，搽上面後未會有 lip lup
皮膚底層有補水感而滋潤感不太強烈

而這幾天天氣乾燥，我會選擇於日間使用

作日霜可以， 作晚霜其實都可以
但另一天早上未會有太大的柔軟感

個人習慣日霜後會搽上防曬、bb cream/ foundation 等等產品
所以我個人要求日霜的滋潤程度比較低

始終滋潤度不是這個 cream 的重點，抗老 & 減淡細紋才是
試用了約兩星期後，發現面頰兩旁的「虎紋」的確有所改善

會於幾星期後 or 用畢整瓶之後再作分享！

感謝 Beauty exchange & Origin 的試用邀請