韓國來的美白精華

這是我今年第二枝試用的美白精華（多謝 theztyle & esthermed 的慷慨）
其實我唔要求好白淨既肌膚，亦唔相信 "一白遮三醜" ，個人認為 tan look 一樣好看~
但我要求的是皮膚顏色均勻~唔好有咁多斑點就可以了！

Esthemed C+ Laser White 維他命C特效重點美白精華

官方介紹
今次懶左~冇打出黎（請恕我近來忙考試 + 功課）
影個盒既介紹啦！我搵唔到佢官網呀~睇住先！

成份
其實佢主打係用 VITAMIN C 黎美白！

用法
潔面爽膚後，一泵份量塗上眼面。<---眼位都用得呀！唔怕變panda 啦！

 
佢同 swiss methode 既eye mask 包裝一樣呀！都係咁樣既吱頭~

質地
哈~一吱出來，就會諗起點牛肉的 yellow mustard，一樣咁杰身
以印既手法比較適合
鐘意爽身既 sis 可能唔多岩用！佢須要多少少時間黎吸收

值得一提佢有淡淡的香味，應該係 mango！對香味有敏感既 sis 可能要小心一點！

價錢
$250 萬寧獨家 有時減價 $188

用後感
之前講過佢質地比較杰身，用既時候要落多少少 toner 令皮膚更濕潤，比d時間佢慢慢印開同吸收
我會再用手心既餘溫壓一下！好似容易吸收d
過多一陣先上面霜。
不過初幾次用落肌膚較薄既面珠，有少許刺痛，所以我都唔敢用得多。
用多一個星期就冇依個現象了~

其實用左佢，除左有美白既功效，我仲覺得皮膚有營養左~有彈性左！
相信依個係 vitamin c 既功效
而且面色白得來係有少許紅潤，這是值得一讚的~
好明顯這個"美白" 是令皮膚健康而非一般既 "漂白"功效~

$250 一枝做到均勻膚色的美白精華~對我來說是抵！遇上特價 $188時就更抵！！

用完一枝 15ml ，希望我的小斑點會更淺色！

同場加映 之前捐血抽返黎既 ESTHERMED BB cream
原來大家都係主打 vitamin c，健康野！唔知一齊用會唔會均勻得快d 呢？

認住佢個樣！就係 estermed 既生招牌啦！