近來的通帳猛虎的確好強勁！
又加上我近日作了大投資！開始了我人生的大計劃，令我近日好頭痛.....真係頭痛到真係想嘔呀~~
所以近來寫 blog 少左好多，希望件事 settle 左之後會好返d 啦！
慳水慳電 但肌膚護理又可以樣慳呢？
我都學左 blogger 一樣，買左少少材料返屋企試試 diy 卸妝油
材料好簡易，只須要一個泵形既樽，當然要洗得好乾淨
仲要風乾，一滴水都不可以有呀！因為會令之後製造的"卸妝油" 變質
（記得水不能溝油嗎？）
我選用了之前用完的 fancl 卸妝油（好用是好用，但價錢都好猛，又用得快，回顧請按此）
仲要用底油，其實好多都可以，我就選擇左用葡萄籽油，貪佢功效簡單
咩皮膚性質都可以
仲有（可有可冇的）TWEEN 乳化劑
加入左，就可以於卸妝時加水做乳化的步驟
因為我用慣左一般都要有依個步驟，第一次，都係加返乳化劑穩陣少少
但係因為加入左化學品，保鮮期會短左（不過依d diy 既護膚品，都建議快快用完，保質期唔會耐）
我買依個好好，個樽已經有刻度，用幾多一睇就知道
如果你買左d 冇刻度既，就要用量杯啦，當然要預先清洗消毒啦！
底油如果用黎溝香熏，通常份量係一滴滴咁計
不過我做卸妝油，就要晒成枝！
份量大約係咁
而乳化劑跟底油份量大約係 5 : 1
葡萄籽油用 100ml，所以乳化劑 用 20ml
個瓶口有d 大，要小心處理！
搞掂！
就係咁，一枝卸妝油，就完成左！
仲有好多乳化劑，都唔知點算
我已經開始左用啦！
用到半枝，再同大家 share 啦！
網上斫仲有好多關於 diy 卸妝油製作的方法用rationale，大家不妨去睇睇
睇下邊個先岩你既肌膚~~
我買材料的地方﹕
www.sendaturals.hk
其他介紹 diy 卸妝油的 link﹕
http://www.web4share.com/viewthread.php?tid=40897
http://hk.myblog.yahoo.com/jw!.KnUk.WfEQXwEIilSDMDa5Kk.k8-/article?mid=9217
沒有留言:
發佈留言