萬用藥膏---寶膚靈

依隻國貨，係大陸好出名，叫做"寶膚靈"

                  

會有sales 好似展銷咁表演"火燒手"然後再用這個膏一搽~即好！

係咪真係咁神奇？

1) 我媽媽成日煮飯燒到，立即搽一下（當然之前仲要用開水沖一會）

真係會涼d，冇咁痛，而且疤痕一兩個星期就會消失

我都試過bbq 比枝fork 燒到，搽左佢一兩個星期就連疤都冇埋 

2) 妹妹皮膚唔好，成日身痕抓到成身損。媽媽同佢搽左，唔痕仲加速傷口既癒合。

哈~消滅完暗瘡，我就會用佢善後！消炎且加速好返又除疤

3) 夏天到，大汗的我有時會有疹？癬？。

唔知點解好痕痕，有d位唔方便去抓，唯有用佢去止痕。搽下搽下仲好返左~

4) 蚊叮蟲咬當然可以用佢啦！

5) 仲有！有時戴左質素唔好既耳環，洞洞會發腫發炎好辛苦,,...

只要用搽少少上耳環針上就可以消除不適。

（不過最好當然用返質素好既 earrings 啦~）

講明好多皮膚問題都可以靠佢！不過成份始終有章腦.....薄荷等等，用得多都唔係咁好

texture 係白色傑傑的 cream，好重的薄荷味，受唔到都幾辛苦

有少少反光，咁少已經夠搽半個手背啦

咪以為國貨就係平野，原價都要成 $18x 一盒（manning、裕華有售），不過用成年都用唔晒。