SASA 不知名品牌--- ALOE MASK

這個不知名的 面膜牌子 MISSCAROL 是一次經過 sasa

須要大量入手 paper mask 時候

sales 姐姐極力推薦的

畢竟雖然是平 （大概 $5 一塊），都要安全，所以選擇了 aloe mask

成份比較簡單 又 安全

一盒 5 塊，都係一般咁用

打開包裝，有好多精華
甚至有多到漏 既情況出現

而紙質都幾薄（如圖）
而且好大塊
對於我依塊「細面」，上有多之餘下亦有剩

其實我可以剪埋多餘既，放於鼻邊位置
不過剪來剪去，費時失事

敷左 25min，塊 mask 都未乾
不過我有d 等唔住，想快d 搽面訓覺

用完一次，都有個好好既「降紅」效果
你睇下﹕
鼻邊既紅印、面頰既位置都已經降紅左啦
而面頰既皮膚仲因為補左水，變得平滑

依個效果 keep 到大約2 日
畢竟佢都係平價 paper mask
唔令我爛面而又有效果已經好好
 
就寫篇 blog 紀念一下佢啦！

少買少棄，才是我們應當的生活！

話說上星期完成三盒 30枝 骨膠原 口周液之後

要把 3 大盒丟到垃圾桶，心感有點浪費

所以作出以下的行動.....

把 3 盒30瓶打開分類

紙盒、玻璃瓶、招紙、樽蓋

如下﹕

把玻璃瓶洗好，待乾
樽蓋都洗好，待乾

完成之後，作出分類處理

紙盒--> 廢紙收集回收箱

玻璃瓶 --> 玻璃收集回收箱

招紙 --> 因為有膠身，只好放進垃圾桶

樽蓋 --> 鋁罐回收箱

看似簡單，但我比老公話此舉是「偉大工程」

畢竟，丟進 垃圾桶 不等於在地球上消失

我們要好好珍惜地球！

不知道何時開始

放進垃圾桶之前會好好地 想清楚「真的要丟棄嗎？」

「可以再用嗎？」「有人須要嗎？」

而剛好屋苑 是 積極作分類回收的一所

有齊所有 回收設備

近來連「廚餘」都有得回收，是一大進步

（但先要讓我弄清楚 什麼才是 廚餘）

另一方面想買之前就要好好想清楚﹕「有這個必須嗎？」

「唔買唔得？」「屋企有相同功能的嗎？」

少買少棄，才是我們應當的生活！

 

又試 shu uemura 植村秀--眼部修護及美妝

繼上一次試用 植村秀 美白精華 連泡泡 mask 後，

才知道植村秀除了美妝物好之外，護膚品都有好與質素

感謝theztyle x shu uemura 提供產品試用

上次試過既 美白精華，原來有「增加後用產品吸收力」效果

於美白系列之中，還有這枝是 為眼部肌膚而設的

TSUYA光感新肌眼部精華 

官方資料

全新TSUYA光感新肌眼部精華結合活性成分Rhamnose（活細胞新肌複合物）及全新馬栗皂素亮肌精華(Umaguri)，只需7天，有效重新 Switch-on(啟能)新肌因子細胞，肌膚逐層更生，重現緊緻彈性膚質，令雙眸顯得更圓大明亮*1；

特別加入全新三重絲滑保濕複合物 (Tripearl Complex)，可作為最理想的妝前眼部精華使用，令眼周瞬間變得明亮柔滑，眼妝色彩更鮮明持久，為圓大明亮眼妝作出最佳準備，全面提升閃爍眼妝效果。

容量: 15ml
售價: HK$395 

細細一枝 15ml，外表包裝跟面部精華顏色一樣

都有淨白通透之感

精緻的 吱頭，只要吱出兩粒白米的大小

足夠一對眼周使用

眼紋初現的我，近來對使用眼部產品都不會慳

質地屬輕型 cream 狀，可以輕輕推開

對於眼周肌膚都容易吸收

今次有幸得到幾件眼妝產品
試試植村秀的眼妝有多強效 ~~~




持久啫喱眼線筆lasting soft gel pencil

手上這枝 eye liner 屬鉛筆質地，又似啫喱般輕柔
輕輕畫上眼皮已經上色，而且顏色屬「實色」的一種
輕易掌握，初學者用都冇問題

而且好快就乾透，柔滑持久

 筆頭是扭出來的一種
不用刨，實在方便
但亦要小心，因為「扭出不能入」
而且筆身柔軟，建議用幾多扭幾多，否則好容易會斷

另外有幾枝 防水眼線筆
來自幾個顏色類別 21款色調x 4種質感 
無限色彩配搭 變化不同妝感

售價: HK$190
色調: 21

棕色調款，我手上得到這個 M dark brown 83
柔軟的筆頭，輕輕一劃就可以畫出線條
顏色屬實色，畫在睫毛根上有溫柔的眼神
（原來這幾枝是made in germany 的）

   

我手上另一枝 屬彩色調的是﹕P Baby Blue 62

藍色之中加點幻彩，有點SHIMMER

簡單的畫上已經為雙眼發放色調

打亮色調的系列都有一枝﹕G silver 92
容易配搭的銀色，可以配上任何顏色，作shimmeer 打亮
又或可以用於眼頭、眼珠對下位置作bling bling 效果！

3 枝眼線筆質地都好柔軟

輕輕就可以勾畫出線條，而粗幼度就要靠筆尖

描畫及暈染都有柔軟順滑觸感
柔軟質感令描畫線條更順滑。完美勾畫精巧線條、調和暈染及填滿睫毛之間的空隙。

至於防水防油既效果，我試過把它們畫於手背上

只要1分鐘多就可以乾涸

放於清水下沖洗都可以分毫不走，從此跟熊貓眼說再見！

對於洗面膏呢？

放一大 pat 洗面膏，用手打圈抹都冇問題！

最後要用cleansing oil 乳化

再加上輕捽先可以卸除

可以見到手背上眼線筆線條已經卸得七七八八

還有啫喱眼線筆的線條還有少許痕跡

要用油過多一次，才可以卸得乾淨

大家用時記得用oil 或者 eye make up remover 卸得乾淨d 呀！

另外，還希新出品的眼影組合

4款流行色系眼影組合成的限量6色眼妝組合
齊備主色、光影、眼線色調，一盒輕易打造精靈大眼

售價: HK$480
色調: 4

還得到的這盒是 Blue morning 以藍調為主的組合
prêt-à-palette六色眼妝組合 
一盒六色，分別有不同深淺的 4 個藍色，再加上一個百搭的白 及 銀


粉質好幼滑
用 手上或掃上都容易上色


細心望下底部既生產地點，原來這個 palette Design in Japan, Made in Korea.

一向好少化 eye shadow 既我，今次破例
用以上既妝品化個眼妝
大家請不要見笑

用白色打亮眉骨及眼珠位置

再加上粉藍調於眼底，抹上銀色於眼珠中間

再加上眼線

輕易地打造出夏天適用的簡易妝容

如果要再濃一點作晚妝
可以用深藍色畫於眼窩位置
再用藍色眼線畫於上及下眼線，blend 開稍稍作層次
最後用黑色啫喱眼線作 outline，就可以即時把眼睛變大！

shu uemura Facebook Fan Page連結: https://www.facebook.com/shuuemura.hk

shu uemura網頁連結: http://www.shu-uemura.com.hk

shu uemura 微博: http://weibo.com/shuuemurahk

shu uemura Instagram:  http://instagram.com/shuuemurahk#

以上"產品及有關資料由植村秀提供"

DHC 骨膠原 口服飲品

之前手機收到個短訊，由DHC 發出

通知我原來戶口裡面仲有幾百分，可以去換產品

幾經查核，原來除左 online shop 之外，就要去到銅鑼灣 蘋果商場先可以換分

因為屋企成日都冇人，公司又唔方便收件

惟有去蘋果行一轉

而我手上既積分，除左換body balm 之外，就只可以換取骨膠原飲品

以往試過 mioggi（用後感回顧）、H2O （用後感回顧）一般上係試一兩盒

其實試唔到個效果

今次一換就換左三盒 30枝，可以飲到成個月

做到一個循環

今次既DHC 飲品每枝含 7000 單位既骨膠原

一盒 10枝

味道 青提子再甜少少

近日天氣熱，會提議放入雪櫃凍飲會更安全

而且雪凍左 味道會冇咁甜

不過「健康飲品」一般建議 朝早空肚服

但一大清早飲雪凍飲品都唔好

我會建議每朝一瓶，開多一倍水服

可以冇咁凍，又冇咁甜，又可以飲多d 水份

已經飲左 整整 3 盒

一直都覺得皮膚沒有多大分別
中間有試用過 大牌子的 美白精華
每星期做 1-2 次 清潔 & 補濕 面膜

直至飲完晒 之後的一星期
就覺得 皮膚面油多左
下巴更長出左 一粒 暗瘡
才發現原來 「骨膠原」幫助左 水油平衡

如果冇得飲，就更加要注意 補水清潔
做足功夫 令水油得以平衡啦！

以上既產品係我自己換返黎，跟公司絕無關係

新試 植村秀 Shu uemura 全新美白系列 -- 泡泡 mask

已經好耐都冇得到試用啦，

近來有機會試到 shu uemura 既美白系列，得到左驚喜！

一次過得到兩枝係美白產品

因為官方認為它們是最佳「拍擋」要一起用上才得到最好既效果

日本既品牌，就連產地都來自日本，冇花假！

首先要用這個美白精華

TSUYA光感新肌精華

精華質地就係輕身的gel

將手掌打直會流下來，輕輕推開已經可以推均全面

有好輕既清香，味道都好易接受

而顏色就好「珍珠白」，好高既折射感，好通透既白

有個汞頭設計，一汞就足夠全面

我會搽埋條頸都夠用 

                                      

 

官方資料

- 由內至外修護肌膚，最快7 日已見到 健康、完美、飽滿、光澤、均勻膚色

-  活細胞新肌復合物 : 高科技微細分子科技，令活性成分可直達肌膚最底層

-  可幫助之後護膚品吸收快 3 倍

-  100% 試用者都希望立即購買 (^124 名亞洲女性連續4星期每天使用產品兩次。)

                         -  日本no.1 美容網站@Cosme 最具口碑的精華， 連續 7星期 no.1 精華

之後就可以配上這個美白面膜

全新速效亮白注氧泡沫面膜

Whitening carbonated mask

幾年來，其他牌子都有推出不同功能的泡泡面膜

而 SHU 這家的面膜有以下的功能

官方介紹

- 溫泉注氧亮白修護

-  集合高效美白精華、密封導入效果及滋潤3重功效

-  即時提升肌膚明亮度，煥發健康的白裡透紅美肌

-  高效美白導入精華Actyl-C 10x, 有效減少皮膚黑色素達20%*¹

                        -  10倍*²美白精華滲透力

泡泡質地好輕薄，但係都好容易散開

左邊會見到泡泡會在1-2MIN 之內，自己產生變化，最後變成液態化

我試過幾次

噴左上手，再拎上面既時候已經冇左泡泡既質地

d 泡好快就會 collapse

然後我決定直接噴上面！

再用手掃開，咁樣面上皮膚會有多d 感覺

面上既幾分鐘

除左感覺到皮膚上面泡泡「爆開」之感外

仲有微暖既效果

官方資料稱

皮膚有微暖係d 化學作用，令皮膚表層微血管有少少促進循環既作用

我唔明白點樣會令「血管有少少促進循環」

但我明白，血液循環做得好，皮膚真係會有通透d 既作用！

而當泡泡爆開左，液化晒之後

就可以用化妝棉抹走多餘既 essence

之後剩餘既就按摩手法按晒佢！

其實用法都幾簡單方便，只須要幾分鐘（10min under）就可以搞掂！

仲要唔使過水，直接！

用完仲有滋潤感

加多層 night cream 就可以

開冷氣都冇問題！

第二朝皮膚都仲有滋潤感

即時既效果就唔多見到有

不過用左幾日

早晚都有用 essence，而 泡泡mask 就每兩晚用一次 

皮膚真係好似白淨左

唔會好死白果種，係通透乾淨果種

用多幾個星期，如果效果都係咁持續

又唔怕再買，或者介紹比朋友用啦！

產品及有關資料由植村秀提供

由 theztyle 協助安排試用

詳情請到以下官方網頁﹕

·         shu uemura Facebook Fan Page連結:  https://www.facebook.com/shuuemura.hk   

·         shu uemura網頁連結: http://www.shu-uemura.com.hk

·         shu uemura 微博: http://weibo.com/shuuemurahk

·         shu uemura Instagram:  http://instagram.com/shuuemurahk#

遮毛孔之餘仲可以長期收細毛孔？

市面上已經有好多可以撫平毛孔既 primer
有d 就用物理方法填補，
有d 就用光學方法令光線折射，
就連我一向信賴的 kiehl's 都出左 
「瞬效零瑕毛孔修飾霜」

仲聲稱長期使用下，有顯著收細毛孔既功效

官方資料﹕

「瞬效零瑕毛孔修飾霜 (Micro-Blur Skin Perfector)配方經精心研發，是以水為本（water-based）的修護乳霜，質感異常輕盈。塗抺後，絕無黏膩感，對肌膚全無負擔，打造健康清新的肌膚。此外，Kiehl’s的先進細膚配方即時見效，不會引致粉刺，不會阻塞毛孔，透薄的塗抺感，分外愜意，且適合任何膚質使用。

 

要達致理想膚質，只需一支瞬效零瑕毛孔修飾霜 (Micro-Blur Skin Perfector)，即可針對即時及長期護理需要，帶給女士細膚良機。臨床測試顯示，此突破性產品能即時並顯著收細毛孔，使用僅僅 4 星期後，毛孔數目明顯減少，毛孔亦顯得更細緻。」

聽落真係好吸引！
好想買返枝，而且價錢都唔貴
 $290 就有 30ml

得閒落舖玩下先！

五月清一清 + 碎碎唸

五月，同事回來了，終於上軌度

而生活上就是為月尾的旅行而活

我們幾PAIR 大學同學會到 BALI 參加 大同的婚禮

順道玩返幾日

返到香港原來變成好酷熱既夏天

OMG 太陽伯伯太威猛了！

繁華的香港太多高樓大廈，雖可以遮擋太陽光，但封閉了空氣的流動

我寧願有猛烈的太陽光，換來清新涼風

1. Auganica rose essence toner

之前一個客人送我的，certified organic toner

因為有噴咀既關係，我喜歡放於office 用

lunch time 午睡後噴一噴，放工前做個 refresh 噴一噴

有時坐飛機會帶埋上機，於乾燥機倉裡面又噴一噴

成份簡單，味道宜人

其實 toner 有好多用途！

2. Goodwell Curl Style cream

新年之前電左一頭曲髮

依枝係 hair stylist 度買既，$6X 唔算太貴

曲髮STAY 得來都幾自然

不過每次洗頭都要洗幾次先乾淨，有 d 麻煩！

3. Dettol 滋養柔潤 shower gel

唔算潤又唔係爽身

其實道幾好，轉天氣時候用不錯

4. Pantene  Shower gel

Pantene 一向都比較貴，今次係惠康有大特價先買

用落一般冇特別

反而新開既 DOVE 對於洗 CREAM 左既曲髮會乾淨 D

5. Clinique moisturizing lotion + （回顧用後感）

係一次clinique 活動中，介紹既試用產品

質地跟舊版差唔多，但滋潤度再高D

對我來說，比較適合晚上使用

其實 clinique 既產品一D 都唔貴

因為可以用好長時間！

6. Clinelle Anti-wrinkle & Firming Serum （回顧用後感）

因為之前試用過，覺得對付乾紋好有效果

一次上 online shop 見有特價再買

但發現依家既佢已經冇咁大效果，可能係我持續都有用各種補水滋潤既 serum

而且只有20ml 都算幾貴，一個月多D 就用得晒

7. 森田製藥

台灣買 watson's 送既 mask

第一次用 森田製藥，果然係好保水！

帶左幾片去 bali 曬前曬後敷、出席婚禮前敷、飛前飛後敷，認真幫到唔少

遲少少出篇分享文詳細講講

不過真係可以再入手

8.MISSCAROL Aloe Paper Mask

之前行過莎莎有特價，d 姐姐介紹既

簡單既成份，okay 補濕

唔太驚喜，價錢又唔係特別平

應該好快會唔記得佢....

9. Banana Boat Tanning Oil SPF2

一向好喜歡 Tanning 既我，因為上年要籌備結婚唔曬得

結果成枝剩低

HoneyMoon去左 Maldive 加埋今個月去完 Bali

終於有得曬，又用得曬！

10.Joseristine Elastic Emulsion Mask

又係貪平！彩豐行產品

冬天適合用既 cream mask ，但唔 last 得好耐，頂多一兩日

天天敷就冇問題

但夏天都係用GEL mask 好D

11. Skin.BIOTICS Platinum Caviar （回顧用後感）

之前試用得返黎，今次用埋餘下的一半

滋潤好但補水麻麻

適合再乾身既皮膚，而且價值唔平

買 SKII 好過...

12. Hesperide Citron & Mandarine Eau de Parfum

老公好喜歡既味道，好清新

夏天好適合既味道

不過HK 已經唔知邊度有得買LU

13.  Clay Powder

其實係 powder like 但有鹽水既功能

依家頭髮長左，出唔到個效果

唔要LU

14. Manning Cotton Balls

因為要配合 Clinique 3-step ，所以一定要用棉球

萬寧既棉球 & 化妝棉都好抵用！

12. Browlash water strong eyebrow （用後感回顧）

水筆的一邊好快乾，而扭筆的一邊好短，快用晒

聲稱防水既又唔防

一定唔會再買呀！

13. AVANCE liquid eyeliner

有一排冇用，竟然變得會甩色，出街倏左熊貓眼真失禮

14. Maybelline Hello Kitty Mascara

放得太耐乾晒.....